దుబాయ్ : విమాన సర్వీసులు రీషెడ్యూల్ చేసినట్టు ఫ్లైదుబాయ్ ప్రకటించింది. మంగళవారం దుబాయ్ ఇంటర్నేషనల్ (డిఎక్స్‌బి) విమానాశ్రయంలో భారీ వరదలు సంభవించిన తరువాత పలు విమానాలను రద్దు చేసినట్లు, వాటిని శుక్రవారం నాటికి రీ షెడ్యూల్‌ చేసినట్లు ఫ్లైదుబాయ్ తెలిపింది. ప్రయాణికులు విమానాశ్రయానికి బయలుదేరే ముందు తమ విమాన సర్వీసుల స్థితిని తనిఖీ చేయాలని కోరింది. ప్రయాణీకుల ప్రయాణ షెడ్యూల్‌లకు ఏదైనా అంతరాయాన్ని తగ్గించడానికి తీవ్రంగా కృషి చేస్తున్నామని, కలిగిన అసౌకర్యానికి మేము క్షమాపణలు కోరుతున్నట్టు ఎయిర్‌లైన్ ప్రతినిధి తెలిపారు. ఈ వారం రికార్డు స్థాయిలో వర్షం కురవడంతో దుబాయ్‌లోని 1,244 విమాన సర్వీసులను రద్దు చేసారు.