దుబాయ్: గత వారం రికార్డు వర్షాల కారణంగా విమానాలు రద్దు చేయబడిన నివాసితులు, సందర్శకులకు ఎటువంటి ఓవర్‌స్టే జరిమానాలు విధించబడలేదు. దుబాయ్ నివాసి అయిన కర్ట్ సెర్వలెస్ తన వీసా రద్దు చేసిన తర్వాత అతని 30-రోజుల గ్రేస్ పీరియడ్‌లో చివరి రోజు ఏప్రిల్ 16 బయటకు వెళ్లాల్సి ఉంది.  అతను తన ఉద్యోగాన్ని విడిచిపెట్టాడు. కానీ గ్రేస్ పీరియడ్ ముగిసేలోపు కొత్త ఉద్యోగాన్ని పొంద‌లేదు.  అయితే, అతను విమానంలో ప్రయాణించే రోజు భారీ వ‌ర్షం కురిసింది.  అతని ఫ్లైదుబాయ్ ఫ్లైట్ మరుసటి రోజు ఏప్రిల్ 17కి షెడ్యూల్ చేశారు. కానీ దుబాయ్ ఇంటర్నేషనల్ ఎయిర్‌పోర్ట్ (DXB) రికార్డు వర్షాల కారణంగా తీవ్రంగా ప్రభావితమైంది. దీంతో స‌ర్వీసును మళ్లీ రద్దు చేశారు. ఆ స‌మ‌యంలో  ఓవర్‌స్టే జరిమానాలు రోజురోజుకు పెద్దవి అవుతున్నాయని ఆందోళన చెందుతున్నాను అని యూఏఈ ప్రధాన రిటైలర్‌లో పనిచేసే సెర్వలెస్ చెప్పారు.
2023లో జరిమానాలను ప్రామాణికం చేసిన స్ట్రీమ్‌లైన్డ్ వీసా నిబంధనల ఆధారంగా ఓవర్‌స్టేయర్‌లకు రోజుకు Dh50 జరిమానా విధిస్తున్నారు. సెర్వలెస్ తన గ్రేస్ పీరియడ్ దాటి దేశంలోనే ఉన్న ఆరు రోజుల పాటు సోమవారం జరిమానా చెల్లించేందుకు సిద్ధమయ్యాడు. అయితే, అతను ఇమ్మిగ్రేషన్ కౌంటర్‌కు చేరుకున్నప్పుడు, అతను ఎటువంటి జరిమానా చెల్లించాల్సిన అవసరం లేదని అక్క‌డి సిబ్బంది చెప్పారు. దుబాయ్‌కి చెందిన ట్రావెల్ ఏజెన్సీ ఎంఆర్‌జి పినాస్ ట్రావెల్ తమ ప్రయాణికులకు కూడా ఇదే అనుభవం ఎదురైందని తెలిపింది.జనరల్ డైరెక్టరేట్ ఆఫ్ రెసిడెన్సీ అండ్ ఫారినర్స్ అఫైర్స్ (GDRFA) దుబాయ్‌కి చెందిన కాల్ సెంటర్ ఎగ్జిక్యూటివ్.. ఏప్రిల్ 16 నుండి 18 వరకు విమానాలు రద్దు చేయబడిన ప్రయాణికులకు ఓవర్‌స్టే జరిమానాలు మినహాయించబడినట్లు ధృవీకరించారు.