ఆంధ్రప్రదేశ్‌లో రానున్న 48 గంటల్లో వర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది. కోస్తాంధ్ర, రాయలసీమ జిల్లాల్లోని కొన్ని ప్రాంతాల్లో ఉరుములు, మెరుపులతో కూడిన వడగళ్ల వర్షాలు కురిసే అవకాశం ఎక్కువగా ఉన్నాయని అధికారులు ప్రకటించారు. మరోవైపు కోస్తాంధ్ర, ఉత్తరాంధ్ర జిల్లాల్లోని కొన్ని ప్రాంతాల్లో భారీ వర్షాలు కురిసే అవకాశమున్నట్లు తెలిపారు. వడగండ్ల వానలు, భారీ వర్షాల సూచన నేపథ్యంలో ప్రజలు అప్రమత్తంగా ఉండాలని హెచ్చరించారు. క్యుములోనింబస్‌ మేఘాల ప్రభావం వల్లే వర్షాలు పడుతున్నట్లు స్పష్టం చేశారు.