ప్రబాస్ సినిమాలేమీ అనుకున్న టైమ్‌కి రిలీజ్ కావు.. అన్న మార్క్ అయితే పడిపోయింది. కానీ, ‘కల్కి’ సినిమాని అనుకున్న టైమ్‌కి ఎలాగైనా రిలీజ్ చేయాలని అనుకున్నారు మేకర్లు.

అన్నీ అనుకున్నట్లయితే ‘కల్కి’ మే 9న రిలీజ్ కావల్సి వుంది. అంటే, ఈ పాటికే ‘కల్కి’ హంగామా మొదలైపోయి వుండేది. కానీ, ఎప్పటిలాగే ఈ సినిమా వాయిదా పడింది. జూన్‌లోనా.? జూలైలోనా.? అని మల్లగుల్లాలు పడుతూ ఫైనల్‌గా జూన్ 27కి కొత్త రిలీజ్ డేట్ సెట్ చేసుకుంది.

అయితే, ఈ డేట్‌కైనా వచ్చే అవకాశముందా.? అంటే ఏమో నమ్మకం లేదనే చెబుతున్నారు. ఓ వైపు దర్శకుడు నాగ్ అశ్విన్, మరోవైపు నిర్మాత అశ్వనీ దత్ శత విధాలా కృషి చేస్తున్నారు.

కానీ, ఈ సినిమా స్కేల్ సంగతి తెలిసిందే. చాలా లార్జ్ స్కేల్ మూవీ. అంతేకాదు, ‘సలార్’ తర్వాత వస్తున్న సినిమా కావడంతో అంచనాలు కూడా ఆ రేంజ్‌లోనే వుంటాయ్.

ఈ ప్రాజెక్ట్ స్టార్టింగ్‌లోనే నిర్మాత అశ్వనీ దత్ చెప్పేశారు. ‘కల్కి’ని ప్యాన్ ఇండియా కాదు, ప్యాన్ వరల్డ్ మూవీగా సిద్ధం చేస్తున్నామని. సో, ఏ రేంజ్‌లో అంచనాలుంటాయ్ ఈ సినిమాపై. సో, రిలీజ్‌కి ముందే అన్నీ జాగ్రత్తగా పరిశీలించుకోవాలి. అందుకే రిలీజ్ విషయంలో ఈ తికమక.!