మనామా: మారు తండ్రి తన ఇద్దరు చిన్న కుమార్తెలను శారీరకంగా హింసించాడన్న ఫిర్యాదుపై పబ్లిక్ ప్రాసిక్యూషన్ వేగంగా స్పందించింది. సదరు తండ్రిపై తక్షణ చర్య తీసుకుంది. ఫ్యామిలీ అండ్ చైల్డ్ ప్రాసిక్యూషన్ ఆఫీస్ డిప్యూటీ హెడ్ ప్రకారం.. ప్రభుత్వ పాఠశాలలో జరిగిన సంఘటనకు సంబంధించి పబ్లిక్ ప్రాసిక్యూషన్ విద్యా మంత్రిత్వ శాఖ మరియు దక్షిణ హమద్ టౌన్ పోలీస్ స్టేషన్ నుండి ఫిర్యాదును స్వీకరించింది. ఒక ప్రాథమిక పాఠశాల ఉపాధ్యాయుడు బాలికల ఒక చేతిపై గాయాలను గమనించాడు. ఉపాధ్యాయుడు వారిని ప్రశ్నించగా.. తోబుట్టువులిద్దరూ ఇంట్లో తమ మారు తండ్రి చేతిలో తీవ్రంగా కొట్టబడ్డారని తెలిపారు. వెంటనే పబ్లిక్ ప్రాసిక్యూషన్ నివేదిక అందిన తర్వాత కేసుపై దర్యాప్తు ప్రారంభించింది. శారీరక వేధింపుల ఆరోపణలకు సంబంధించి నిందితుడైన చిన్నారుల తండ్రిని వెంటనే అదుపులోకి తీసుకొని విచారించారు. కేసును విచారణ కోసం క్రిమినల్ కోర్టుకు రిఫర్ చేయడానికి అవసరమైన చట్టపరమైన ప్రక్రియలు జరుగుతున్నాయని పేర్కొన్నారు.