పూరీ జగన్నాధ్ దర్శకత్వంలో తెరకెక్కుతోన్న ‘డబుల్ ఇస్మార్ట్’ సినిమా టీజర్ రిలీజ్ అయ్యింది. అనుకున్న టైమ్‌కే పూరీ జగన్నాధ్ టీజర్ రిలీజ్ చేసేశాడు.

మరి టీజర్ ముచ్చటెలా వుందంటారా.? హిట్ సినిమా ‘ఇస్మార్ట్ శంకర్’ టెంపో అయితే కంటిన్యూ చేశాడు పూరీ జగన్నాధ్. రామ్ పోతినేని ఇస్మార్ట్ శంకర్ గెటప్‌, ఆటిట్యూడ్.. డైలాగ్ డెలివరీ.. రగ్గ్‌డ్ యాంబియన్స్ అలాగే మెయింటైన్ చేశాడు.

ఇక, ఈ సినిమాకి వచ్చేసరికి ఎక్స్‌ట్రా ఎస్సెట్ బాలీవుడ్ నటుడు సంజయ్ దత్. ఆయన ఈ సినిమాలో కీలక పాత్ర పోషిస్తున్నారు. అలాగే హీరోయిన్‌గా కావ్య థాపర్ కనిపించింది.

ఈ ముద్దుగుమ్మ తన స్టైల్ అందాల ఆరబోతతో వావ్ అనిపించింది. మణిశర్మ ధీటైన మ్యూజిక్ అందించారు. టీజర్ వరకూ అన్నీ బాగానే సెట్ చేసుకున్నారు.  టీజర్ రెస్పాన్స్ బట్టి.. ఈ సినిమాపై అంచనాలు ఎలా నమోదవుతాయన్నది ముందు ముందు చూడాలిక.