మనామా: కారు ప్రయాణికుడిని బహిరంగంగా అసభ్యకరంగా ప్రవర్తించడానికి అనుమతించినందుకు డ్రైవర్ పై  పబ్లిక్ ప్రాసిక్యూషన్ అప్పీల్‌ను కోర్ట్ ఆఫ్ కాసేషన్ సమర్థించింది.  ప్రాథమిక తీర్పును సవరించి మూడు నెలల కస్టడీ శిక్షను విధిస్తున్నట్లు చీఫ్ ప్రాసిక్యూటర్ ప్రకటించారు. డ్రైవింగ్ చేస్తున్నప్పుడు మొబైల్ ఫోన్ వాడినందుకు వ్యక్తికి BD50 జరిమానా విధించింది. జైలు శిక్ష పూర్తయిన తర్వాత డ్రైవర్ పై మూడేళ్లపాటు బహిష్కరణ వేటు విధించాలని ఆదేశించింది. వైరల్ అయిన ఫుటేజ్‌లో ఒక యువతి అసభ్యకరంగా డ్యాన్స్ చేసింది.  దీనిపై  ప్రాసిక్యూషన్ విచారణ ప్రారంభించింది. ట్రాఫిక్ నేరాలకు సంబంధించి డ్రైవర్‌ను ప్రశ్నించింది. కేసు క్రిమినల్ ట్రయల్‌కి వెళ్లింది.  ఇక్కడ కోర్టు ప్రాథమిక తీర్పు ప్రకారం ప్రాథమిక నేరానికి BD100, ద్వితీయ నేరానికి BD50 జరిమానా విధించింది. తీర్పుపై పబ్లిక్ ప్రాసిక్యూషన్ సవాలు చేసింది. నిందితులకు మరింత కఠినమైన శిక్ష విధించాలని వాదించింది.