దోహా: హమద్ ఇంటర్నేషనల్ ఎయిర్‌పోర్ట్ (DOH) తన చరిత్రలో మొదటిసారిగా 12 నెలల వ్యవధిలో 50 మిలియన్ల మంది ప్రయాణికులకు సేవలు అందించి ఒక ముఖ్యమైన మైలురాయిని చేరింది. ఈ ఘనత  కీలకమైన గ్లోబల్ ఏవియేషన్ హబ్‌గా దాని వృద్ధి మరియు వ్యూహాత్మక స్థానాన్ని ప్రతిబింబిస్తుందని ఎయిర్పోర్ట్ అధికారులు వెల్లడించారు. ఖతార్  ఎయిర్పోర్ట్ 25 శాతం పాయింట్-టు-పాయింట్ ప్యాసింజర్ కార్యకలాపాలను కలిగి ఉంది. ఖతార్ టూరిజం  టూరిజం నివేదిక ప్రకారం, దోహాకు అంతర్జాతీయ సందర్శకుల సంఖ్య పెరగడమే దీనికి కారణం. ఇది మునుపటి సంవత్సరంతో పోల్చితే 2023లో 58 శాతం పెరిగింది. ఇటీవల ప్రచురించిన ఎయిర్‌పోర్ట్ కౌన్సిల్ ఇంటర్నేషనల్ (ACI) ఆసియా-పసిఫిక్ మరియు మిడిల్ ఈస్ట్ ఎయిర్ కనెక్టివిటీ ర్యాంకింగ్ 2023 ప్రకారం, దోహా మధ్యప్రాచ్యంలో రెండవ అత్యుత్తమ ఎయిర్ కనెక్టివిటీని కలిగి ఉంది.