కువైట్: ఇంటీరియర్ మినిస్ట్రీ బ్యాచిలర్స్ హౌసింగ్‌పై విస్తృత స్థాయిలో తనిఖీలు నిర్వహించింది.  బ్నీద్ అల్-ఘర్‌లో ఉంటున్న ఆర్టికల్ నంబర్ 20పై అనేక మంది ప్రవాసులను ప్రభుత్వ ఆశ్రయానికి తరలించింది. డొమెస్టిక్ వర్కర్ వీసా (ఆర్టికల్ 20)పై పెద్ద సంఖ్యలో ప్రవాసులు బ్నీద్ అల్-ఘర్‌లోని వివిధ బ్యాచిలర్ వసతి గృహాలలో ఉంటున్నారని బృందం గుర్తించింది. కువైట్ నిబంధనల ప్రకారం.. ప్రవాస గృహ కార్మికులు అతని లేదా ఆమె కువైట్ స్పాన్సర్‌తో నివసించాలి. అక్కడ వారు గృహ కార్మికులుగా పని చేస్తారు. వారు అన్ని నిబంధనలను ఉల్లంఘించి అపార్ట్‌మెంట్ భవనాల్లో ఉంటున్నట్లు గుర్తించారు. మానవతా దృక్పథాన్ని పరిగణనలోకి తీసుకుని, ఈ కార్మికులను లేబర్ షెల్టర్‌కు బదిలీ చేసి, వారికి అన్ని అవసరాలను అందించినట్లు అధికారులు తెలిపారు.