మెగా పవర్ స్టార్ రామ్ చరణ్ నటిస్తున్న తాజా చిత్రం ‘గేమ్ ఛేంజర్’. శంకర్ దర్శకత్వంలో ప్రతిష్టాత్మకంగా తెరకెక్కుతోన్న చిత్రమిది. ఈ సినిమా ఇప్పటికే రిలీజ్ కావల్సి వుండగా, శంకర్ ‘ఇండియన్ 2’ కమిట్‌మెంట్ కారణంగా ఈ సినిమా షూటింగ్ వాయిదా పడుతుండడం.. అలాగే సినిమా రిలీజ్ ఆలస్యమవుతుండడం జరిగింది.

ఇక, ‘ఇండియన్ 2’ రిలీజ్‌కొచ్చింది. సో, ‘గేమ్ ఛేంజర్’ని శంకర్ అండ్ కో ముందుకు కదిపే ప్రయత్నాలు చేస్తున్నారనీ తెలుస్తోంది. దాదాపు 70 శాతానికి పైగా షూటింగ్ కంప్లీట్ చేసుకున్న ఈ సినిమా మిగిలిన షూటింగ్ పార్ట్ కూడా త్వరలో కంప్లీట్ చేసేయనుందట.

ఇక, రిలీజ్ విషయానికి వస్తే, నిన్న మొన్నటి వరకూ ఈ ఏడాదిలో ఈ సినిమా రిలీజ్ లేనట్లే అని చేతులెత్తేశారన్న వార్త హల్ చల్ చేసింది. కానీ, రిలీజ్ డేట్ ప్రకటించేందుకు మేకర్లు సిద్ధమవుతున్నారట.

అందులో భాగంగానే జూలైలో ఫైనల్ డెసిషన్ తీసుకోనున్నారనీ తెలుస్తోంది. బహుశా దీపావళికి కానీ, తప్పితే క్రిస్‌మస్‌కి కానీ ‘గేమ్ ఛేంజర్’ ప్రేక్షకుల ముందుకు వచ్చే అవకాశాలున్నట్లు తెలుస్తోంది. లెట్స్ వెయిట్ అండ్ సీ.!