మస్కట్: వాహనాలకు సాంకేతిక తనిఖీ సేవలను అందించడానికి నియంత్రణలకు సంబంధించి రాయల్ ఒమన్ పోలీస్ (ROP) మార్గదర్శకాలను జారీ చేసింది. వాహనాలకు సాంకేతిక తనిఖీ సేవలను అందించడానికి నిబంధనలతో కూడిన రిజల్యూషన్ నం. 2024/88ని జారీ చేశారు.

సంబంధిత‌ అధికారుల నుండి అవసరమైన లైసెన్సులు మరియు ఆమోదాలను పొందడం త‌ప్ప‌నిస‌రి చేశారు. ఆర్టికల్ మూడు ప్రకారం.. లైసెన్స్ పొందడం కోసం దరఖాస్తు తప్పనిసరిగా పరిపాలనకు సమర్పించాలి. ఆర్టికల్ నాలుగు ప్ర‌కారం.. పరిపాలన లైసెన్స్ దరఖాస్తును అధ్యయనం చేసి, దానిని సమర్పించిన (30) రోజులలోపు, అవసరమైన అన్ని పత్రాలు మరియు డేటాతో పూర్తి చేయాలి.

ట్రాఫిక్ చట్టం మరియు దాని కార్యనిర్వాహక నిబంధనలలో పేర్కొన్న షరతులు, నిబంధ‌న‌ల‌కు అనుగుణంగా సాంకేతిక తనిఖీని నిర్వహించాలి. ఆర్టికల్ ఎనిమిది ప్ర‌కారం.. టెక్నికల్ ఇన్‌స్పెక్షన్‌లో లోపం కారణంగా వాహన యజమానికి లేదా ఇతరులకు జరిగిన ఏదైనా నష్టానికి లైసెన్స్‌దారు బాధ్యత వహించాల్సి ఉంటుంది.OMR 100 అడ్మినిస్ట్రేటివ్ జరిమానా విధిస్తారు. పునరావృత ఉల్లంఘన జరిగితే ఫైన్ రెట్టింపు అవుతుంది. లైసెన్స్‌ను సస్పెండ్ చేస్తారు.