కువైట్: ప్రధానమంత్రి నరేంద్ర మోదీ ఆదివారం తన ప్రముఖ రేడియో కార్యక్రమం 'మన్ కీ బాత్'ని పునఃప్రారంభించిన సందర్భంగా.. కువైట్ నేషనల్ రేడియోలో హిందీ భాషా కార్యక్రమం 'నమస్తే కువైట్' ప్రారంభించింది. ఇందుకుగాను కువైట్ ప్రభుత్వ చొరవను ప్ర‌ధాని న‌రేంద్ర మోదీ ప్రశంసించారు. ప్రపంచవ్యాప్తంగా భారతీయ సంస్కృతి, వారసత్వ విస్తరణను అభినందించారు. కువైట్ ప్రభుత్వం హిందీలో తన నేషనల్ రేడియోలో ప్రత్యేక కార్యక్రమాన్ని ప్రారంభించిందని, ఈ అద్భుతమైన చొరవ తీసుకున్నందుకు ప్రభుత్వానికి మరియు దేశ ప్రజలకు ధన్యవాదాలు తెలిపారు. ముందుగా ఏప్రిల్‌లో కువైట్ రేడియోలో FM 93.3 మరియు AM 96.3లో ప్రతి ఆదివారం మొట్టమొదటి హిందీ రేడియో ప్రసారం ప్రారంభమైంది.