యూఏఈ: ఒమన్ వ్యక్తిగత ఆదాయపు పన్నును అమలు చేస్తుందని వార్తలు నేపథ్యంలో జీసీసీ దేశాల్లో అది మొదటి దేశం అవుతుంది.  షురా కౌన్సిల్ ముసాయిదా చట్టాన్ని స్టేట్ కౌన్సిల్‌కు రిఫర్ చేసింది. దీనిని 2025లో ప్రవేశపెట్టే అవకాశం ఉందని భావిస్తున్నారు.  

ఇతర గల్ఫ్ కోఆపరేషన్ కౌన్సిల్ (GCC) దేశాలు కూడా వ్యక్తిగత ఆదాయపు పన్నును ప్రవేశపెడతాయని విశ్లేషకులు భావిస్తున్నారు. అయితే ఇతర జీసీసీ దేశాలలో పన్నును ప్రారంభించేందుకు ఒమన్‌ను టెంప్లేట్‌గా ఉపయోగించవచ్చని భావిస్తున్నారు.  కాగా, వ్యక్తిగత ఆదాయపు పన్నును ప్రవేశపెట్టే ఆలోచన లేదని యూఏఈ ఆర్థిక మంత్రిత్వ శాఖ అండర్ సెక్రటరీ హాజీ అల్ ఖౌరీ చెప్పారు.  

ఇదిలా ఉండగా,  యూఏఈ మరియు ఇతర GCC దేశాలు పెట్రోడాలర్‌లకు దూరంగా తమ ఆదాయాలను విస్తరించుకోవడానికి కొత్త పన్నులను ప్రవేశపెడతాయని గ్లోబల్ ఫైనాన్షియల్ సంస్థలు అంచనా వేస్తున్నాయి. యూఏఈ ఇటీవల తన ఆదాయాలను పెంచుకోవడానికి కార్పొరేట్ ఆదాయాలపై 9 శాతం పన్నును ప్రవేశపెట్టింది.