రమదాన్ సంబరాలలో భాగంగా, సోహార్ పోర్ట్ అండ్ ఫ్రీ జోన్  వారి తరపున పోర్ట్ సి. ఈ. ఓ. ఆండ్రే టొయెట్ తో కలసి వాలీ ఆఫ్ లీవ - హెచ్. ఈ. షేక్ సయ్యద్ బిన్ హుమైద్ అల్ హార్తీ స్థానికప్రజలకు వందల సంఖ్యలో గిఫ్ట్ వోచర్లను పంపిణీచేశారు. గత సంవత్సరం మాదిరిగానే ఈ సంవత్సరం కూడా విజయవంతమైన ఈ కాం పైన్ గురించి టొయెట్ మాట్లాడుతూ, తమ కంపెనీ సుస్థిర వ్యాపారానికి సహాయమందించిన స్థానిక సమాజానికి సహాయపడడం తమ భాద్యత అని, ఇస్లాంలో దాన ధర్మాలు చేయడానికి రమదాన్ సరైన సందర్భమని ఆయన వివరించారు. ఈ కార్యక్రమంలో సుమారు 2500 మంది లబ్దిపొందినట్టు తెలిపారు. కేవలం 3.5 మిలియన్ జనాభాతో, గత 40 సంవత్సరాలలో అధికంగా అభివృద్ధి చెందిన దేశంగా - చైనా, నేపాల్, ఇందోనేషియా మరియు సమీప సౌదీ అరబియాలకంటే ఒమాన్ ముందుంది. ఆర్ధిక రంగాన్ని విస్తరించి, తద్వారా ఉద్యోగాలను కల్పించడమనే వ్యూహంలో భాగంగా, ఇది 1000 శాతం అభివృద్ధిని నమోదు చేసింది.

--నూనె లెనిన్ కుమార్(ఒమాన్)