యూఏఈ: దుబాయ్ నివాసి బింబో కాలిటిస్, నాలుగు సంవత్సరాలకు పైగా తన ఇ-స్కూటర్‌ను ప్రతిరోజూ ఉపయోగిస్తున్నారు. అతను సేఫ్టీ హెల్మెట్ ధరిస్తాడు.. నిర్దేశిత ప్రాంతాలకు మించి డ్రైవ్ చేయడు. వేగ పరిమితిని ఎప్పుడూ దాటడు. అతను ఎప్పుడూ ప్రమాదానికి గురికాలేదు. అయితే పలు ప్రమాదాలకు గురై తమకే కాకుండా ఇతర రోడ్డు ప్రయాణీకులను సైతం ప్రమాదంలో పడేస్తున్న రైడర్లు కూడా ఉన్నారని వారు ఆవేదన వ్యక్తం చేస్తున్నారు. కొద్దిమంది నిర్లక్ష్యపు రైడర్‌ల కారణంగా కొన్ని సంఘాలు బ్యాటరీతో నడిచే మొబిలిటీ పరికరాలపై  నిషేధం కోసం పిలుపునిస్తుండడంతో వారు కూడా ఇబ్బంది పడుతున్నారు. ఫిలిపినో ఎక్స్‌పాట్  మాట్లాడుతూ.. ఇ-స్కూటర్‌లు ఇప్పటికీ తక్కువ దూరాలకు నగరం చుట్టూ తిరగడానికి అత్యంత తేలిక అని పేర్కొన్నారు.  టాక్సీలో వెళ్లే బదులు ఇ-స్కూటర్‌ని ఉపయోగించడం ద్వారా నెలవారీ Dh500 కంటే ఎక్కువ ఆదా చేస్తున్నట్టు తెలిపారు. అయితే,కొంతమంది రైడర్‌లు పాదచారులకు మాత్రమే కాకుండా తమకు కూడా ప్రమాదం కలిగిస్తున్నారని పేర్కొన్నారు. నివాసితులు మరియు సందర్శకుల భద్రతను మెరుగుపరచడానికి జుమేరా బీచ్ రెసిడెన్స్ (JBR) కమ్యూనిటీలో అన్ని రకాల ఇ-స్కూటర్‌లను నిషేధించాలని దుబాయ్ కమ్యూనిటీ మేనేజ్‌మెంట్ ఇటీవల నిర్ణయం తీసుకున్న విషయం తెలిసింద. నిర్ణయం తర్వాత ఇది జరిగింది . గత నెలలో దుబాయ్ పోలీసులు 640 సైకిళ్లు, ఇ-స్కూటర్‌లను స్వాధీనం చేసుకున్నారు. ప్రథమార్థంలో ఇ-స్కూటర్‌లు మరియు సైకిళ్లతో జరిగిన వేర్వేరు ప్రమాదాల్లో నలుగురు వ్యక్తులు ప్రాణాలు కోల్పోయినట్లు దుబాయ్ పోలీసులు నివేదించారు. ఈ ఏడాది జనవరి నుండి జూన్‌ వరకు 25 మంది గాయపడినట్లు పోలీసులు నమోదు చేశారు.