మాస్ రాజా రవితేజ, హరీష్ శంకర్ కాంబినేషన్‌లో వచ్చిన సినిమానే ‘మిస్టర్ బచ్చన్’. అకస్మాత్తుగా ఇండిపెండెన్స్ డే రిలీజ్‌కి సిద్ధమైన ఈ సినిమా ప్రేక్షకుల్ని మెప్పించిందా.? అంటే మిశ్రమ స్పందన వినిపిస్తోంది.
ఈ సినిమా ప్రమోషన్లు బాగా చేశారు. హీరోయిన్ భాగ్యశ్రీ బోర్సే మెయిన్ అట్రాక్షన్ అయ్యింది. అయితే, ప్రమోషన్లలో వున్న హుషారు సినిమాలో లేదని తేల్చేశారు.
బాలీవుడ్ యాక్షన్ మూవీ ‘రైడ్’కి రీమేక్ అయిన ఈ సినిమాని తెలుగు వెర్షన్ కోసం చాలానే మార్పులు చేసేశారు. దాంతో, సినిమా స్వరూపం పూర్తిగా మారిపోయింది. అలాగని కొత్తదనమేదైనా వుందా.? అంటే అదీ లేదు.
రొటీన్ రొట్ట కొట్టుడు యవ్వారమే అని ఆడియన్స్ పెదవి విరిచేస్తున్నారు. సినిమా రిలీజ్ అయ్యాకా రెండో రోజుకే కొంత మేర కటింగ్స్ వేసేశారు. ల్యాగ్ ఎక్కువయ్యిందన్న రీజన్ర‌తో దాదాపు 13 నిముషాల సీన్లను సినిమాలోంచి లేపేశారట రెండు రోజుల ప్రదర్శన తర్వాత.
ఇక, మాస్ అండ్ గ్లామరస్ అప్పియరెన్స్ ఇష్టపడే వాళ్లు తప్పదంటే వీకెండ్ ఎంజాయ్రమెంట్ కోసం ‘మిస్టర్ బచ్చన్’ చూడాలనుకుంటారేమో.
అందుకు ప్రధాన కారణం మిక్కీ జె మేయర్ పాటలు.. అందుకనుగుణంగా హీరోయిన్ భాగ్యశ్రీ బోర్సే అందాల ఆరబోతే ఈ సినిమాని కాపాడాలేమో.