పేరు శార్వరీ వాఘ్. బాలీవుడ్‌లో పలు చిత్రాల్లో నటించింది. లేటెస్ట్‌గా ‘మహారాజ్’ సినిమాలో కనిపించింది. విజయ్ సేతుపతి సినిమా కాదు, బాలీవుడ్ ‘మహారాజ్’. ఈ సినిమాలో తనదైన పర్‌ఫామెన్స్‌తో అందంతో ఆకట్టుకుందీ ముద్దుగుమ్మ.

వెరీ లేటెస్ట్‌గా ‘వేద’ సినిమాతో ధియేటర్లోకొచ్చింది ఈ అందాల భామ. జాన్ అబ్రహాం హీరోగా వచ్చిన ఈ సినిమా మంచి టాక్ తెచ్చుకుంది బీ టౌన్‌లో. ప్రస్తుతం ఓ హిందీ సినిమాతో బిజీగా వున్న ఈ ముద్దుగుమ్మ ఇంకా టాలీవుడ్ జనాల దృష్టిలో పడక పోవడం చిత్రమే.

నటన అంటే తనకెంతో డెడికేషన్ అంటోంది. సినిమా కోసం ఏం చేయడానికైనా సిద్ధమే అంటోంది. కష్టపడి యుద్ధ విద్యలు ప్రాక్టీస్ చేయడానికైనా రెడీ అంటోంది. అంటే పీరియాడిక్ మూవీస్‌కీ సై అన్నట్లుగా సంకేతాలు పంపుతోందన్నమాట.

‘వేద’ సినిమా కోసం బాక్సింగ్‌లో శిక్షణ తీసుకుంది. అలియాభట్ అంటే తనకెంతో ఇష్టమని చెబుతోంది. నటనలో అలియా తనకు స్పూర్తి అంటోంది. అలాంటిది ఆమెతో కలిసి స్క్రీన్ షేర్ చేసుకోవడం గర్వంగా ఫీలవుతున్నానంటోంది శార్వరి.

‘ఆల్ఫా’ సినిమా కోసం అలియా భట్‌తో కలిసి నటిస్తోంది శార్వరి. ఈ సినిమాలో బాబీ డియోల్, అనిల్ కపూర్ మేల్ లీడ్ పోషిస్తున్నారు. అమ్మడి టాలెంట్‌కి టాలీవుడ్‌లో అడుగు పెడితే బాగానే వర్కవుట్ అవుతుంది. చూడాలి మరి ఆ టైమ్ ఎప్పుడొస్తుందో.!