కువైట్: లులూ హైపర్‌మార్కెట్ కార్పొరేట్ సోషల్ రెస్పాన్సిబిలిటీ (CSR) కార్యక్రమాలలో భాగంగా బ్యాక్-టు-స్కూల్ సీజన్‌ కోసం  ‘డొనేట్ ఎ బుక్, ఎర్న్ హ్యాపీనెస్’ క్యాంపెయిన్‌ ను ప్రారంభించింది. విద్యా అవసరాలకు తోడ్పాటు అందించడంలో భాగంగా.. తమకు ఇష్టమైన పుస్తకాలను విరాళంగా ఇవ్వమని కస్టమర్లను ప్రోత్సహించడం ఈ ప్రచారం లక్ష్యం అని వెల్లడించింది. ఆగస్టు 28 నుండి సెప్టెంబర్ 15 వరకు తల్లిదండ్రులు, పిల్లలు కువైట్‌లోని ఏదైనా లులూ హైపర్‌మార్కెట్ అవుట్‌లెట్‌లో 1 నుండి 12వ తరగతి వరకు పాఠశాల పాఠ్యపుస్తకాలను విరాళంగా ఇవ్వవచ్చని తెలిపింది. విరాళంగా ఇచ్చిన ప్రతి పుస్తకానికి 1,000 లులు హ్యాపీనెస్ పాయింట్‌ల రివార్డు పొందుతారని వెల్లడించింది.