హీరోయిన్‌గా ఫెయిలైనా నిర్మాతగా మంచి కంటెంట్‌ని సెలెక్ట్ చేసుకుంటోంది మెగా డాటర్ నిహారిక కొణిదెల. ఇటీవలే ‘కమిటీ కుర్రాళ్లు’ సినిమాతో చిన్న సినిమాల్లో పెద్ద హిట్ కొట్టింది.

ఇప్పుడు మరో ఇంట్రెస్టింగ్ కంటెంట్‌తో రాబోతోంది. అయితే ఈ సారి రాబోయేది సినిమా కాదు. వెబ్ సిరీస్. ‘బెంచ్ లైఫ్’ అనే టైటిల్‌తో రూపొందుతోన్న ఈ సిరీస్ ఈ నెల 12 నుంచి సోనీ లివ్ ఓటీటీ వేదికగా స్ట్రీమింగ్ కానుంది.

ఈ సిరీస్‌కి మానసా శర్మ దర్శకత్వం వహించగా, నిహారిక కొణిదెల నిర్మాతగా వ్యవహరించారు. ఐటీ ఉద్యోగుల జీవితాల్లోని కష్ట నష్టాల్ని రియలిస్టిక్‌గా చూపించే ప్రయత్నం చేసినట్లు ట్రైలర్ చూస్తుంటే అర్ధమవుతోంది.

ఎక్కువ శాతం వినోదం మేలవింపుతో పాటూ, అక్కడక్కడా కొన్ని ఎమోషన్లు కూడా ట్రైలర్‌లో కట్ చేశారు. ట్రైలర్ ఆసక్తికరంగా అనిపిస్తోంది. చూస్తుంటే, నిర్మాతగా నిహారికకు ఈ వెబ్ సిరీస్ ద్వారా మరోసారి ప్రశంసలు దక్కేలా అనిపిస్తోంది.