పవర్ స్టార్ పవన్ కళ్యాణ్, ఆంధ్ర ప్రదేశ్ డిప్యూటీ సీఎం పవన్ కళ్యాణ్ పుట్టినరోజు సందర్భంగా ఆయన కెరీర్ సూపర్ హిట్ మూవీ ‘గబ్బర్ సింగ్’ రీ రిలీజ్ చేసిన సంగతి తెలిసిందే.

రీ రిలీజ్ సినిమా అయినా ఈ సినిమాకి ప్రేక్షకులు బ్రహ్మరథం పట్టారు. అనూహ్యమైన వసూళ్లు వచ్చాయ్ ఈ సినిమాకి. ఓ వైపు భారీ వర్షాలూ, వరదలూ.. అయినా లెక్క చేయకుండా ధియేటర్లకు జనం విచ్చల విడిగా వచ్చేశారు.

విడుదలైన అన్ని చోట్లా హౌస్ ఫుల్ బోర్డులే. ధియేటర్లలో అభిమానుల సందడి మోత మోగిపోయింది. అదేదో కొత్త సినిమా రిలీజ్ అన్నట్లుగా ఫ్యాన్స్ పండగ చేసుకున్నారు.

తన పుట్టినరోజు సందర్భంగా ఎలాంటి సెలబ్రేషన్లూ వద్దని అభిమానులకి సూచించిన పవన్ కళ్యాణ్.. ఆయన సూచనను తూచా తప్పకుండా పాటించారు అభిమానులు. కానీ, ’గబ్బర్ సింగ్‘ రిలీజైన ధియేటర్లలో (ఇండోర్) మాత్రం తమ అభిమాన హీరో పుట్టినరోజు వేడుకను పండగలా సెలబ్రేట్ చేసుకున్నారు.

నిజానికి ఈ పుట్టినరోజు పవన్ కళ్యాణ్ జీవితంలో.. అలాగే, ఆయన అభిమానులకీ చాలా చాలా ప్రత్యేకం. దాదాపు పదేళ్ల నిర్విరామ రాజకీయ కృషి ఫలించిన రోజు. అలాంటిది ఆ వేడుకను ఘనంగా జరుపుకోవడానికి లేదని ఫ్యాన్స్‌లో ఒకింత వెలితి వున్నప్పటికీ, ‘గబ్బర్ సింగ్’ సినిమా ఒకింత రిలీఫ్‌గా సరిపెట్లుకున్నారు అభిమానులు.