కొరియోగ్రాఫర్ జానీ మాస్టర్‌పై అసిస్టెంట్ లైంగిక వేధిపుల కేసు టాలీవుడ్‌లో దుమారం రేపుతున్న సంగతి తెలిసిందే. అయితే, ఈ కేసు వెనక ఓ పెద్ద హీరో వున్నట్లు తాజాగా ఇండస్ట్రీలో టాక్ బయటికి వచ్చింది.

ఆయన మరెవరో కాదు, ఐకాన్ స్టార్ అల్లు అర్జున్. అల్లు అర్జున్‌కీ, జానీ మాస్టర్‌కీ గతంలో విబేధాలున్న సంగతి చూచాయగా తెలిసిందే. టైమ్ చూసి జానీ మాస్టర్‌ని బన్నీ బుక్ చేసేశాడనీ మాట్లాడుకుంటున్నారు.

ప్రస్తుతం జనసేన పార్టీలో కీలక పాత్ర పోషిస్తున్న జానీమాస్టర్‌పై ఎలాగైనా బురద చల్లాలని నిర్ణయించుకున్నట్లు తెలుస్తోంది. అదే అదనుగా అప్పుడెప్పుడో ఆరేళ్ల క్రితం జరిగిన అసిస్టెంట్ కొరియోగ్రఫర్ ఇష్యూని వెలికి తీసి, ఆమెకి అండగా నిలుస్తున్నట్లుగా బిల్డప్ ఇచ్చి, జానీ మాస్టర్‌ని అడ్డంగా బుక్ చేసేశాడట బన్నీ.

డైరెక్ట్‌గానే ఈ విషయాన్ని ఫిలిం సర్కిల్స్‌లో చర్చించుకుంటున్నారు. ఈ ఎపిసోడ్ అంతటినీ వెనకుండి నడిపించింది బన్నీనే అంటున్నారు. అయితే, ఆపదలో వున్న ఓ ఆడపిల్లకి అండగా నిలచాడంతే బన్నీ.. అంతకు మించి మరేం లేదంటూ ఆయన టీమ్ కవరింగ్ వేసుకుంటున్నారు.

అంతగా ఆడపిల్లలకు సపోర్ట్ చేసేవాడే అయితే, తన తోటి నటుడు ‘పుప్ప’ ఫేమ్ జగదీష్ కారణంగా అన్యాయం అయిపోయిన ఆ అమ్మాయి, ఆమె కుటుంబం బన్నీకి గుర్తుకు రాలేదా.? అంటూ మెగా అభిమానులు మరో విషయాన్ని పైకి తీసుకొచ్చారు. చూస్తుంటే, ఈ రచ్చ ఇప్పట్లో తేలేలా కనిపించడం లేదు.