‘దేవర’ సినిమాతో పాటూ, పోటీ అనుకున్నా.. అనుకోకున్నా ప్రేక్షకుల ముందుకొచ్చేసింది ఓ తమిళ సినిమా.  అదే ‘సత్యం సుందరం’.

డబ్బింగ్ సినిమానే అయినా.. ఈ సినిమాని జనం అలా తీసుకోలేదనిపిస్తోంది. ప్రేక్షకులే కాదు, సినీ మేథావులు సైతం ఈ సినిమాని తెగ పొగిడేస్తున్నారు.

కొందరయితే, తెలుగు దర్శకులు, నిర్మాతలూ ఈ సినిమాని చూసి చాలా నేర్చుకోవాలి.. అంటూ పెద్ద పెద్ద టాలీవుడ్ డైరెక్టర్లకే సవాల్ విసురుతున్నారు.

అంతలా ఈ సినిమా టాలీవుడ్‌లో కొందరిని ప్రభావితం చేసిందని చెప్పొచ్చు. అవును నిజమే, ఓ అందమైన జీవిత ప్రయాణం ‘సత్యం సుందరం’ సినిమా.

ఆ సినిమాకి కార్తి, అరవింద్ స్వామి నటులుగా ప్రాణం పోసేశారు. నటించారనడం కంటే, జీవించేశారు. జీవితాన్ని కళ్లముందుంచేశారు అనడం అతిశయోక్తి కాదేమో.

ఇక, ‘దేవర’ సినిమా విషయానికి వస్తే, ఎన్టీయార్ కెరీర్‌లోనే దారుణమైన ఓపెనింగ్స్ వచ్చాయ్ ఈ సినిమాకి. పెట్టిన బడ్జెట్ ఓ ఎత్తయితే.. ఈ సినిమాని హిట్ ముసుగు వేసి, బలవంతంగా ఆడిస్తున్నందుకు అయ్యే బడ్జెట్టే ఎక్కువయిపోతుందని ఇండస్ట్రీ టాక్.

చూస్తుంటే, దసరా సెలవుల్లోనూ ‘దేవర’కి పోటు తప్పేలా లేదు. ఇక, ‘సత్యం సుందరం’కి  మరో కొత్త సినిమా వచ్చేంత వరకూ తిరుగే లేదు.