యూఏఈ: అబుదాబిలో ఫాల్కన్ లను అక్రమంగా వేటాడుతూ పట్టుబడిన ఐదుగురిని అరెస్టు చేసినట్లు అధికారులు గురువారం తెలిపారు. ఉత్తర ఖట్టంలోని ఎడారి ప్రాంతంలో ఈ బృందాన్ని రెడ్‌హ్యాండెడ్‌గా పట్టుకున్నట్లు అబుదాబి పోలీసులు తెలిపారు. వారి వద్ద నుండి ఫాల్కన్ తోపాటు కొన్ని జంతువులతోపాటు ఒక SUV ను స్వాధీనం చేసుకున్నట్లు వెల్లడించారు.  పర్యావరణ పరిరక్షణ, అభివృద్ధి మార్పుపై 1999 యూఏఈ ఫెడరల్ చట్టం సంఖ్య 24 ప్రకారం.. పక్షులు, అడవి,  సముద్ర జంతువులను వేటాడడం, చంపడం లేదా పట్టుకోవడం నిషేధం. ప్రత్యేక అధికారుల నుండి అనుమతి పొందిన తర్వాత మాత్రమే జంతువులను పట్టుకోవచ్చు. గత నెలలో ఫుజైరా పర్వత ప్రాంతంలో జంతువుల కోసం పెట్టిన అక్రమ ఉచ్చులను అధికారులు గుర్తించిన విషయం తెలిసిందే.