కువైట్: ఈ సంవత్సరం ప్రారంభం నుండి 21,190 మంది వర్క్ వీసా చట్టాలను ఉల్లంఘించగా, 11,970 మంది వారి చట్టపరమైన స్థితిని సవరించినట్టు కువైట్ అంతర్గత మంత్రిత్వ శాఖ వెల్లడించింది. మొదటి ఉప ప్రధాని, రక్షణ అంతర్గత మంత్రి షేక్ ఫహద్ యూసుఫ్ అల్-సబాహ్ ఆదేశాల మేరకు వీసా ఫోర్జరీ, అవకతవకలను ఎదుర్కోవడానికి కఠిన చర్యలు తీసుకుంటున్నట్లు తెలిపింది. నకిలీ కంపెనీలపై రైడ్స్ ద్వారా 59 కేసులు, 506 వీసా ఉల్లంఘన కేసులు నమోదయ్యాయని పేర్కొంది. వీసా ఉల్లంఘించిన వారిపై కఠిన చర్యలు తీసుకుంటామని మంత్రిత్వ శాఖ హెచ్చరించింది.