యూఏఈ:రోడ్డు భద్రతను మెరుగుపరిచే లక్ష్యంతో యూఏఈ  ప్రభుత్వం పలు చర్యలను ప్రకటించింది. జైవాకింగ్ నుండి డ్రగ్స్ సేవించి డ్రైవింగ్ చేయడం వరకు వివిధ ట్రాఫిక్ ఉల్లంఘనలకు జైలుశిక్షతోపాటు Dhh200,000 వరకు భారీ జరిమానాలు విధించనున్నట్లు తెలిపింది.

జైవాకింగ్

గుర్తించని ప్రాంతాల నుండి రోడ్డు దాటడం అనేది ఇప్పుడు అధిక జరిమానాలు విధించే నేరాలలో ఒకటి. ప్రస్తుతం, ఉల్లంఘనకు 400 దిర్హామ్‌ల జరిమానా విధిస్తున్నారు. కొత్త చట్టం ప్రకారం.. జైవాకర్లు జైలుశిక్షతోపాటు Dh10,000 వరకు జరిమానాను ఎదుర్కోవలసి ఉంటుంది.  80kmph వేగ పరిమితితో లేదా అంతకంటే ఎక్కువ వేగంతో నిర్దేశించబడని ప్రాంతాల నుండి దాటిన ఏ వ్యక్తికైనా అధిక జరిమానాలు విధించబడతాయి. వారికి కనీసం మూడు నెలల జైలుశిక్ష, 10,000 దిర్హామ్‌ల జరిమానా విధిస్తారు.  

మద్యం, డ్రగ్స్‌ తాగి వాహనాలు నడపడం

మాదక ద్రవ్యాలు, సైకోట్రోపిక్ పదార్థాలు లేదా ఇలాంటి వాటి ప్రభావంతో డ్రైవింగ్ చేయడం వంటి ఉల్లంఘనలకు జరిమానాలు Dh200,000 వరకు జరిమానా విధించనున్నారు.  ప్రస్తుతం కోర్టు జైలుశిక్షతోపాటు 30,000 దిర్హామ్‌లకు తగ్గకుండా జరిమానా కూడా విధిస్తుంది. ఒకరి డ్రైవింగ్ లైసెన్స్ కూడా మొదటి నేరానికి కనీసం ఆరు నెలల పాటు సస్పెండ్ చేయనున్నారు.  ఉల్లంఘన రిపీట్ అయితే లైసెన్స్ సస్పెండ్ అవుతుంది. ఎవరైనా మద్యం సేవించి వాహనం నడిపినా లేదా డ్రైవింగ్ చేయడానికి ప్రయత్నించినా వారికి జైలుశిక్షతోపాటు Dh100,000 వరకు జరిమానా విధిస్తారు. ఉల్లంఘన తీవ్రతపై ఆదారపడి డ్రైవింగ్ లైసెన్స్‌ను న్యాయస్థానం రద్దు చేస్తుంది.

హిట్ అండ్ రన్ కేసు, సమాచారం అందించడంలో వైఫల్యం

ఎవరైతే ఉద్దేశపూర్వకంగా ఈ క్రింది చర్యలకు పాల్పడితే వారికి రెండు సంవత్సరాల కంటే ఎక్కువ కాలం జైలు శిక్ష, Dh100,000 వరకు జరిమానా విధించబడుతుంది:

-ట్రాఫిక్ ప్రమాదం జరిగినప్పుడు (చెల్లుబాటు అయ్యే కారణం లేకుండా) ఆపడంలో వైఫల్యం, ఫలితంగా ప్రజలకు గాయాలు

-నేరం లేదా ప్రమాదానికి కారణమైన వాహన ఓనర్, ప్రమాద సమాచారాన్ని అందించడంలో విఫలం

-పోలీసు అధికారుల నుంచి తప్పించుకునే ప్రయత్నం

-ట్రాఫిక్ కంట్రోల్ అథారిటీ వాహనాలు, సైనిక వాహనాలు లేదా భద్రతా సిబ్బంది వాహనాలను తమ విధులను నిర్వర్తిస్తున్నప్పుడు ఉద్దేశపూర్వకంగా ఢీకొట్టడం

-సస్పెండ్ చేయబడిన, గుర్తించబడని లైసెన్స్‌తో డ్రైవింగ్ చేయడం

-సస్పెండ్ లైసెన్స్‌తో డ్రైవింగ్ చేస్తూ పట్టుబడిన వారికి మూడు నెలల వరకు జైలు శిక్ష కూడా విధించబడుతుంది.  10,000 కంటే తక్కువ కాకుండా జరిమానా విధించబడవచ్చు. 

-దేశంలో గుర్తించబడని విదేశీ డ్రైవింగ్ లైసెన్స్‌తో యూఏఈ రోడ్లపై వాహనం నడిపే ఎవరైనా మొదటి నేరానికి Dh 2,000 నుండి Dh10,000 వరకు జరిమానా విధిస్తారు.

సరైన లైసెన్స్ లేకుండా డ్రైవింగ్ చేయడం

లైసెన్స్ లేకుండా డ్రైవింగ్ చేయడం లేదా వేరే రకం వాహనం కోసం లైసెన్స్‌ని ఉపయోగించి పట్టుబడిన వారికి గరిష్టంగా మూడు నెలల జైలుశిక్ష,  Dh50,000 వరకు జరిమానా విధిస్తారు. 

అజాగ్రత్తగా డ్రైవింగ్, మరణానికి కారణమైతే

రోడ్డుపై వ్యక్తి మరణానికి కారణమైన వ్యక్తికి జైలు శిక్ష, 50,000 దిర్హాలకు తగ్గకుండా జరిమానా విధించబడుతుంది.

లైసెన్స్ ప్లేట్ దుర్వినియోగం

కింది చర్యలలో దేనినైనా ఎవరు చేసినా వారికి జైలు శిక్ష /లేదా Dh20,000 కంటే తక్కువ జరిమానా విధించబడుతుంది:

-లైసెన్స్ ప్లేట్‌ను నకిలీ చేయడం లేదా అనుకరించడం లేదా నకిలీ లేదా లైసెన్స్ ప్లేట్ ఉపయోగించడం

-లైసెన్స్ ప్లేట్ యొక్క డేటాను వక్రీకరించడం, తొలగించడం లేదా మార్చడం

-అనుమతి లేకుండా లైసెన్స్ ప్లేట్‌ను ఒక వాహనం నుండి మరొక వాహనానికి మార్చడం