రియాద్:  సౌదీ అరేబియాలోని పలు ప్రాంతాల్లో భారీ వర్షాలు,  వరదలు వచ్చే అవకాశం ఉందని జనరల్ డైరెక్టరేట్ ఆఫ్ సివిల్ డిఫెన్స్ హెచ్చరిక జారీ చేసింది. నివాసితులు జాగ్రత్తలు తీసుకోవాలని, వరదలకు గురయ్యే ప్రాంతాలకు దూరంగా ఉండాలని, వివిధ మీడియా ఛానెల్‌ల ద్వారా తెలియజేయబడిన భద్రతా మార్గదర్శకాలను పాటించాలని కోరారు.

మక్కా ప్రాంతంలో వడగళ్ల వాన, బలమైన గాలులతో కూడిన మోస్తరు నుండి భారీ వర్షాలు కురుస్తాయని అంచనా వేస్తున్నారు. రియాద్ ప్రాంతంలో తేలికపాటి నుండి భారీ వరకు వర్షాలు కురుస్తాయని తెలిపారు. మదీనా, హేల్, ఖాసిం,  అల్-బాహా, అసీర్, జజాన్, నజ్రాన్ ప్రాంతాలో వర్షాలు కురిసే అవకాశం ఉందని, ప్రజలు అప్రమత్తంగా ఉండాలని సూచించారు.