సినీ నటుడు శ్రీకాంత్‌ తనయుడు రోషన్‌ తొలిచిత్రం 'నిర్మల కాన్వెంట్‌'లో కింగ్‌ నాగార్జున అతిథి పాత్రలో కనిపించనున్నారు. దీనికి సంబంధించిన షూటింగ్‌లో ఆయన పాల్గొన్నారు. హైదరాబాద్‌లో ప్రత్యేకంగా వేసిన సెట్‌లో పాట చిత్రీకరణ జరిగింది. అన్నపూర్ణ స్టూడియోస్‌ నిర్మాణ సంస్థ ఆధ్వర్యంలో ఈ చిత్రానికి నాగార్జున నిర్మాతగా వ్యవహరిస్తున్నారు. రోషన్‌, శ్రేయ శర్మ జంటగా నటిస్తున్న ఈ చిత్రానికి నాగ కోటేశ్వరరావు దర్శకత్వం వహించారు. ప్రముఖ సంగీత దర్శకుడు కోటి కుమారుడు రోషన్‌ ఈ చిత్రానికి సంగీతాన్ని సమకూర్చారు. .'వూపిరి' చిత్రం తర్వాత నాగార్జున రెండు నెలల విరామం తీసుకుని నిర్మలా కాన్వెంట్‌ షూటింగ్‌లో పాల్గొన్నారు.ప్రస్తుతం నాగ్‌ రాఘవేంద్రరావు దర్శకత్వం వహించనున్న 'ఓ నమో వెంకటేశాయ' చిత్రంలో కథానాయకుడిగా నటించడానికి సన్నద్ధమవుతున్నారు. ఈ నెల 25న ఈ చిత్రం ప్రారంభంకానుంది.