మనామా: బహ్రెయిన్ ఇంటర్నేషనల్ ఎయిర్‌షో (BIAS) 2024కు ఏర్పాట్లు జరుగుతున్నాయి. రక్షణ, భద్రతకు సంబంధించిన ప్రపంచ ఆవిష్కరణలకు ఇది కేరాఫ్ గా నిలువనుంది. నవంబర్ 13-15 వరకు ఈ ప్రతిష్టాత్మక ఈవెంట్ జరుగనుంది. రాయల్ బహ్రెయిన్ ఎయిర్ ఫోర్స్ (RBAF) సహకారంతో బహ్రెయిన్ రవాణా, టెలికమ్యూనికేషన్ మంత్రిత్వ శాఖ ద్వారా దీనిని నిర్వహిస్తున్నారు.   సందర్శకులు కోసం ప్రపంచంలోని అత్యంత అధునాతన ఆవిష్కరణలు తరలిరానున్నాయి. లైనప్ లో లాక్‌హీడ్ మార్టిన్, రోల్స్ రాయిస్, థేల్స్ వంటి పరిశ్రమ దిగ్గజాలు ఉన్నాయి. ఇందులో సైనిక జెట్‌లు, అధునాతన వాణిజ్య విమానాల డైనమిక్ ఫ్లయింగ్ షోకేస్‌లు ఉన్నాయి. ఈ ఈవెంట్‌లో రెడ్ ఆరోస్, యూఏఈ అల్ ఫుర్సాన్, సౌదీ హాక్స్ పాల్గొంటున్నాయి.  ఈ ప్రదర్శన సందర్భంగా ప్రభుత్వ అధికారులు, పరిశ్రమల, రక్షణ సాంకేతిక నిపుణులతో కాన్ఫరెన్స్ ఎజెండాలో ఉంది. రక్షణ, సైబర్‌ భద్రత, మానవరహిత వైమానిక వ్యవస్థలు, అభివృద్ధి చెందుతున్న రక్షణ సాంకేతికతలలో కృత్రిమ మేధస్సు కీలకాంశాలుగా చర్చలు జరుగనున్నాయి.