‘అప్పుడో ఇప్పుడో ఎప్పుడో కల కన్నానే చెలీ..’ అంటూ హీరో సిద్ధార్ద్ ‘బొమ్మరిల్లు’ సినిమాలో తన హీరోయిన్ జెనీలియాని ఊహించుకుంటూ పాట పాడారు. అప్పట్లో ఈ పాట యూత్‌లో ఓ ట్రెండింగ్.

ఇప్పుడిదే లిరిక్‌ని తన సినిమాకి టైటిల్‌గా పెట్టుకుని మరో యంగ్ హీరో నిఖిల్ డ్యూయెట్ వేసుకుంటున్నాడు.

ఆయన నటిస్తున్న తాజా చిత్రమే ‘అప్పుడో ఇప్పుడో ఎప్పుడో’. సుధీర్ వర్మ దర్శకత్వంలో తెరకెక్కుతోన్న ఈ సినిమాలో దివ్యాంశ కౌశిక్, రుక్మిణీ వసంత్ హీరోయిన్లుగా నటిస్తున్నారు.

లేటెస్ట్‌గా ఈ సినిమా నుంచి ఫస్ట్ సింగిల్ రిలీజ్ చేశారు. ‘హే తార..’ అంటూ సాగే ఈ పాటకు కృష్ణ చైతన్య అద్భుతమైన లిరిక్స్ అందించగా, కార్తీక్, నిత్యశ్రీ ఆలపించారు.

కాగా, ప్రస్తుతం నిఖిల్ ‘స్యయంభూ’ అనే పీరియాడిక్ సినిమాలో నటిస్తున్న సంగతి తెలిసిందే. ఓ వైపు ఆ సినిమా సెట్స్‌పై వుండగానే తన తాజా సినిమా రిలీజ్‌ని ప్రకటించాడు.

ఈ సినిమా నవంబర్‌లో ప్రేక్షకుల ముందుకు రానుంది. లవ్ అండ్ ఫీల్ గుడ్ ఎంటర్‌ట‌ైనర్‌గా ఈ సినిమా రూపొందినట్లు ప్రచార చిత్రాల ద్వారా తెలుస్తోంది.