మస్కట్: ఒమన్ లో దీపావళి సంబరాలు అంబరాన్నంటాయి. నవంబర్ 2న ప్రవాసులు రష్మీ, ఉదయ్ జున్నాకర్ నేతృత్వంలో సుప్రభాత్ దీపావళి వేడుకలను నిర్వహించారు. ఈ సందర్భంగా  ఝంకార్ బీట్స్ (స్టేజీ షో), ఆలాప్ (మ్యూజికల్ షో) అందరిని ఆకట్టుకున్నాయి. ఈ వేడుకలకు హాజరైన ప్రవాస భారతీయులు భక్తి పాటలతో ఆధ్యాత్మిక వాతావరణాన్ని సృష్టించారు. భరతనాట్యం, కథక్ వంటి శాస్త్రీయ నృత్య రూపాలు భారతీయ కళాత్మక వైభవాన్ని చాటిచెప్పాయి.  సుప్రభాత్ దీపావళి వేడుకలు భారతీయ కమ్యూనిటీని ఒకచోటకు చేర్చిందని పలువురు ప్రవాసులు హర్షం వ్యక్తం చేశారు.