ఆవేదనతో కదులున్నది పుడమి తల్లి భూకంప రూపంలో 

కన్న తల్లిని వాటాలుగా పంచుకు తినాలని యుద్దోన్మాదoతో 
కొట్టుకు చస్తున్న తన బిడ్డల చూసి,

అనారోగ్యంతో విల విలలాడుతుంది అమ్మవారు,అంటువ్యాదుల రూపంలో 
తన పాలు త్రాగుచు తన పైనే కాలుష్యాన్ని సృష్టిస్తున్న 
మనిషి మనుగడకు నిరసనగా 

రగులుతున్న వేడి నిట్టూర్పులు విడుస్తున్నది ప్రకృతి దేవత 
వాతావరణ రూపంలో,అరాధించవలసిన వారే అంగాంగాలను 
నరుకుతున్నందుకు తగిన శాస్తిగా.. 

భరింపరాని భాధతో కళ్ళు మూసుకు పరుగులు తీస్తున్నది 
మృత్యువు దేవత, తన ఆవేశానికి అన్యం పుణ్యం ఎరుగని  
అమాయక జీవులు బలి అవుతున్నందుకు..క్షమించి  
ఈ బలి దానానికి సిద్దం కండని.    

జయ రెడ్డి బోడ(అబుధాబి) తేది:07-07-2015