యూఏఈ: బిజినెస్ బే బ్రిడ్జ్‌లోని కొత్త సాలిక్ టోల్ గేట్ అమల్లోకి వచ్చింది. దాంతో ప్రయాణికులు తమ రోజువారీ ప్రయాణ బడ్జెట్‌లు పెరిగినట్లు తెలిపారు.  బిజినెస్ బే క్రాసింగ్‌లో ఉన్న ఈ టోల్ గేట్ షార్జా, ఉత్తర దుబాయ్ పరిసరాలు, ప్రధాన వ్యాపార డిస్ట్రిక్టులను కలుపుతున్న మార్గాలతో సహా పలు మార్గాలపై ప్రభావం చూపుతుందని భావిస్తున్నారు. కొత్త టోల్ సిస్టమ్ ద్వారా నావిగేట్ చేస్తున్నప్పుడు నివాసితులు విభిన్నంగా స్పందించారు.

మరింత ఖరీదైన ప్రయాణం
గర్హౌడ్‌లో ఉంటూ బిజినెస్ బేలో పని చేస్తున్న అకౌంటెంట్ 35 ఏళ్ల ఫైసల్ అహ్మద్ మాట్లాడుతూ..  ఇప్పుడు తన రోజువారీ ప్రయాణానికి మరింత ఖరీదైనదిగా మారిందన్నారు. “నా ఆఫీసు ఇంటి మధ్య నాకు సాలిక్ గేట్లు లేవు. కొన్ని సమయాల్లో నేను కొన్ని మార్గాల్లో కేవలం ఒక సాలిక్ గేట్‌కు మాత్రమే చెల్లించాను. కానీ ఇప్పుడు, బిజినెస్ బే బ్రిడ్జ్ గేట్ ప్రారంభమైనందున  నేను ప్రతిరోజూ 8 Dhలను అదనంగా చెల్లించాల్సి ఉంటుంది. ఇది నెలకు Dh200 కంటే ఎక్కువ. ఇది చిన్న మొత్తం కాదు, ”అని అహ్మద్ అన్నారు. “నేను సాలిక్‌ను తప్పించుకోవడానికి అంతర్గత రోడ్లను తీసుకోవడానికి ప్రయత్నించాను. కానీ ట్రాఫిక్ ఇతర సమస్యల కారణంగా అది మంచి ఎంపిక కాదు. ఈ కొత్త ఖర్చు కోసం నేను నా బడ్జెట్‌ను సర్దుబాటు చేయవలసి ఉన్నట్లు కనిపిస్తోంది. ”అని అహ్మద్ అన్నారు. 

టాక్సీ ఛార్జీలు పెంపు
బిజినెస్ బేలోని తన కార్యాలయానికి వెళ్లేందుకు అల్ త్వార్ నివాసి అయిన అయ్షా నిదా రోజూ టాక్సీలపై ఆధారపడుతుంది. ఇప్పటివరకు తన ఆఫీసుకు వెళ్లేందుకు 60 దిర్హాంలు చెల్లించేది. కానీ ఇప్పుడు65 దిర్హామ్‌లకు పెరిగిందన్నారు. “సాధారణంగా, నేను ఎయిర్‌పోర్ట్ టన్నెల్‌లో కేవలం ఒక సాలిక్ గేట్ గుండా వెళతాను. కానీ తాజాగా నేను ఎయిర్‌పోర్ట్ టన్నెల్, కొత్త బిజినెస్ బే గేట్ అనే రెండు గుండా వెళ్లాల్సి వచ్చింది. ఛార్జీల పెంపు చిన్నదిగా అనిపించవచ్చు. కానీ ప్రతిరోజూ టాక్సీలో ప్రయాణించే వారికి ఇది ఎక్కవే అవుతుంది. ఇది నా నెలవారీ ఖర్చులను పెంచుతుంది. ”అని నిదా అన్నారు.