యూఏఈ: ఉమ్ అల్ క్వైన్ పోలీసులు ట్రాఫిక్ జరిమానాలపై 50% తగ్గింపును ప్రకటించారు. డిసెంబర్ 1 నుండి జనవరి 5 వరకు 50 శాతం ట్రాఫిక్ జరిమానా తగ్గింపు ఆఫర్ అమల్లో ఉంటుందని తెలిపారు. 2024, డిసెంబరు 1కి ముందు ఉమ్ అల్ క్వైన్ ఎమిరేట్‌లో జరిగిన అన్ని ట్రాఫిక్ ఉల్లంఘనలపై ఈ డిస్కౌంట్ ఆఫర్ వర్తిస్తుందని తెలిపింది. ఇది వాహన సీజ్, ట్రాఫిక్ బ్లాక్ పాయింట్ల రద్దును కూడా కవర్ చేస్తుందిని, అయితే, తీవ్రమైన ఉల్లంఘనలకు ఆఫర్ పనిచేయదని పేర్కొన్నారు. ఈ సంవత్సరం ఈద్ అల్ ఎతిహాద్‌ను నిర్వహించే 53వ యూఏఈ జాతీయ దినోత్సవ వేడుకల సందర్భంగా ఈఆఫర్ ప్రకటించినట్టు  పోలీసులు తెలిపారు.  వాహనదారులు దీనిని సద్వినియోగం చేసుకోవాలని, ట్రాఫిక్ నిబంధనలను పాటించాలని అధికార యంత్రాంగం పిలుపునిచ్చింది.  

ఇదిలా ఉండగా, అజ్మాన్ పోలీసులు కూడా ట్రాఫిక్ జరిమానాలపై 50 శాతం తగ్గింపును ప్రకటించారు. నవంబర్ 4 నుండి డిసెంబర్ 15 వరకు ఈ స్కీమ్ అమల్లో ఉంటుంది. అక్టోబర్ 31కి ముందు ఎమిరేట్‌లో జరిగిన ఉల్లంఘనలపై విధించే అన్ని జరిమానాలకు తగ్గింపు వర్తిస్తుందని పేర్కొన్నారు.