దుబాయ్: మాదక ద్రవ్యాల అక్రమ రవాణాకు పాల్పడిన వివాహిత దంపతులకు జీవిత ఖైదు విధించారు. ఒక్కొక్కరికి 500,000 దిర్హామ్‌ల జరిమానా విధిస్తూ కోర్టు ఉత్తర్వులు జారీ చేసింది. శిక్ష ముగిసిన తర్వాత వారిని దేశం నుంచి బహిష్కరించాలని ఆదేశించింది. గాంబియన్ మహిళ, నైజీరియన్ వ్యక్తి యూఏఈలోకి 4.2 కిలోల గంజాయిని అక్రమంగా తరలించడానికి ప్రయత్నించారు.  మహిళా గంజాయి తెస్తూ జనవరి 2న దుబాయ్ అంతర్జాతీయ విమానాశ్రయంలో అధికారులకు పట్టుబడింది.  అనంతరం ఆమె ఇచ్చిన సమాచారంతో నైజీరియన్ వ్యక్తిని నైఫ్ ప్రాంతంలో అరెస్ట్ చేశారు.