జిసిసి రీజియన్‌లో తొలిసారిగా ఎలక్ట్రానిక్‌ బర్త్‌ సర్టిఫికెట్‌ జారీ కార్యక్రమం బహ్రెయిన్‌లో అతి త్వరలో ప్రారంభం కానుంది. హెల్త్‌ కేర్‌ రంగంలో అధునాతన సాంకేతిక పరిజ్ఞానాన్ని వినియోగించుకోవడంలో భాగంగా ఈ కార్యక్రమాన్ని చేపట్టనుంది బహ్రెయిన్‌ ప్రభుత్వం. హెల్త్‌ మిన్సిఈ్ట అండ్‌ ఇ-గవర్నమెంట్‌ అథారిటీ - మెంబర్స్‌ మరియు రిప్రెజెంటేటివ్స్‌ సమావేశంలో ఈ ప్రకటన వెలువడింది. పార్లమెంట్‌ సర్వీసెస్‌ కమిటీ ఛైర్మన్‌ అబ్బాస్‌ అల్‌ మాది, ఇ-గవర్నమెంట్‌ అథారిటీ డిప్యూటీ సీఈఓ జకారియా అల్‌ ఖాజా, హెల్త్‌ మినిస్ట్రీ హెల్త్‌ ఇన్ఫర్మేషన్‌ డైరెక్టర్‌ ఖాలిద్‌ అల్‌ జలాహ్మా మరియు పలువురు అధికారులు. ఎంపీలు తదితరులు ఈ సమావేశంలో పాల్గొన్నారు. హెల్త్‌ మినిస్ట్రీ సహకారంతో ఇ-గవర్నమెంట్‌ అథారిటీ, బహ్రెయిన్‌ పోస్ట్‌ సంయుక్తంగా ఈ కార్యక్రమాన్ని చేపట్టనున్నాయి. గతంలో నాలుగైదు వారాల సమయం ఈ సర్టిఫికెట్‌ కోసం పట్టేదని, ఇ-సర్టిఫికెట్‌ విధానంతో కేవలం నాలుగైదు రోజుల్లోనే సర్టిఫికెట్‌ జారీ అవడానికి ఆస్కారమేర్పడిందని అధికారులు తెలిపారు.