యంగ్ హీరో నందు, క్యూట్ గాళ్ తేజస్విని ప్రకాశ్ జంటగా తెరకెక్కుతున్న 'కన్నుల్లో నీ రూపమే'. బిక్స్ ను దర్శకుడిగా పరిచయం చేస్తూ.. ఇ.రాజమౌళి సమర్పణలో ఎ.ఎస్.పి. క్రియేటివ్‌ ఆర్ట్స్‌ పతాకంపై భాస్కర్‌ బాసాని ఈ అందమైన ప్రేమకథా చిత్రాన్ని నిర్మిస్తున్నారు. సాకేత్ సంగీతం అందిస్తున్నాడు. ఇటీవలే పలువురు సినీప్రముఖుల సమక్షంలో ప్రారంభోత్సవం జరుపుకున్న 'కన్నుల్లో నీ రూపమే' సినిమా మొదటి షెడ్యూల్ పూర్తి చేసుకుంది. మొయినాబాద్ పరిసర ప్రాంతాల్లో 12రోజుల పాటు జరిగిన ఈ షెడ్యూల్ లో సినిమాకు సంబంధించిన కొన్ని కీలక సన్నివేశాలను చిత్రీకరించారు. 

'కన్నుల్లో నీ రూపమే' ఫేమ్ తేజస్విని ప్రకాశ్ కి సైమా అవార్డ్

తాజాగా సైమా అవార్డ్స్ 2016కు బెస్ట్ సపోర్టింగ్ యాక్ట్రెస్ కేటగిరీలో హీరోయిన్ తేజస్విని ప్రకాశ్ ఎంపికవ్వడం విశేషం. కన్నడ హిట్ మూవీ 'గూలిహత్తి' సినిమాలో అద్భుతమైన నటనకనబర్చిన తేజస్వి ఈ అవార్డు గెలుచుకోవడం పట్ల చిత్రయూనిట్ హర్షం వ్యక్తం చేస్తోంది. ఈ ఉత్సాహంతో తదుపరి షెడ్యూల్ ను పూర్తి చేసుకునేందుకు సిద్ధం అవుతోంది 'కన్నుల్లో నీ రూపమే' టీమ్.