పవర్ స్టార్ పవన్ కళ్యాణ్ అభిమానులకు గుడ్ న్యూస్. ‘హరిహరవీరమల్లు‘ మూవీ నుంచి కొత్త అప్డేట్ వచ్చింది. ఈ సినిమాకి సంబంధించి ఫస్ట్ సింగిల్‌ను విడుదల చేయనున్నట్లు చిత్ర బృందం ప్రకటించింది. ఈ నెల 6న ఉదయం 9.06 గంటలకు ‘మాట వినాలి’ అనే పాటను విడుదల చేయనున్నారు. ఈ సాంగ్ ప్రత్యేకత ఏమిటంటే, పవన్ కళ్యాణ్ స్వయంగా దీనిని ఆలపించడం. ఈ విషయమై మేకర్స్ విడుదల చేసిన ప్రకటనలో, పాటకు సంబంధించిన మరిన్ని వివరాలను తెలియజేశారు. జ్యోతి కృష్ణ దర్శకత్వంలో రూపుదిద్దుకుంటున్న ఈ సినిమాలో పాటలు కీరవాణి స్వరపరిచారు. పవన్ గాత్రం తోడవ్వడం ఈ పాటకు మరింత ప్రత్యేకతను తీసుకురాబోతుందని భావిస్తున్నారు.

‘హరిహరవీరమల్లు’ పవన్ కళ్యాణ్ కెరీర్‌లో తొలిసారి పూర్తిస్థాయి పాన్-ఇండియా సినిమా కావడం విశేషం. మలయాళం, తమిళం, హిందీ, కన్నడ భాషల్లో కూడా విడుదల కానున్న ఈ చిత్రం అందరిలో ఉత్సాహాన్ని రేకెత్తిస్తోంది. నిధి అగర్వాల్ ఈ సినిమాలో హీరోయిన్‌గా నటిస్తున్న సంగతి తెలిసిందే. ఆమె పాత్రకు సంబంధించిన టీజర్ ఇప్పటికే పాజిటివ్ రెస్పాన్స్ తెచ్చుకుంది. సినిమా కథ, సంగీతం, విజువల్ ఎఫెక్ట్స్ అన్ని కూడా అత్యుత్తమంగా ఉండేలా టీమ్ కృషి చేస్తోంది. పిరియాడిక్ డ్రామా నేపథ్యంతో తెరకెక్కుతున్న ఈ సినిమా పవన్ అభిమానులకు కొత్త అనుభూతిని అందించనుంది. ఫస్ట్ సింగిల్ విడుదల తర్వాత చిత్రబృందం ప్రోమోషనల్ యాక్టివిటీస్‌ను మరింత పెంచనుంది.ఈ సినిమా విడుదలకు సంబంధించిన వివరాలను ఇంకా వెల్లడించలేదు.