దోహా: నంబియో ద్వారా క్వాలిటీ ఆఫ్ లైఫ్ ఇండెక్స్ 2025లో 88 దేశాల ప్రపంచ ర్యాంకింగ్‌లో ఖతార్ తొమ్మిదవ స్థానంలో ఉంది. 2024లో 18వ స్థానంతో పోలిస్తే తొమ్మిది స్థానాలు ఎగబాకింది. ఇండెక్స్‌లో 193.3 స్కోరును సాధించింది. 2024లో 165.9 స్కోరు నుండి మెరుగుదల నమోదు చేసింది. ఈ ప్రాంతంలోని చాలా దేశాల కంటే ఈ స్కోర్‌ ఎక్కువగా ఉంది. కొనుగోలు శక్తి, కాలుష్య స్థాయిలు, గృహ సదుపాయం, జీవన వ్యయం, భద్రత, ఆరోగ్య సంరక్షణ నాణ్యత, ప్రయాణ సమయాలు, వాతావరణ పరిస్థితులతో సహా జీవన నాణ్యతను ప్రభావితం చేసే వివిధ అంశాలను పరిగణనలోకి తీసుకుని జీవన నాణ్యత సూచిక ర్యాంకింగ్ ను నిర్ణయిస్తారు.    

తాజా గణాంకాల ప్రకారం.. GCC దేశాలలో ఇండెక్స్‌లో ఒమన్ నాల్గవ స్థానంలో ఉంది. యునైటెడ్ అరబ్ ఎమిరేట్స్ 177 స్కోర్‌తో 20వ స్థానంలో ఉంది. సౌదీ అరేబియా 21వ స్థానంలో ఉంది. అలాగే 177 స్కోర్‌తో కువైట్ 160.6 స్కోర్‌తో 34వ స్థానంలో ఉంది.

ఇండెక్స్‌లోని టాప్ 15 దేశాలలో స్వీడన్, ఆస్ట్రియా, న్యూజిలాండ్, ఆస్ట్రేలియా, జర్మనీ,  యునైటెడ్ స్టేట్స్ వంటి అనేక అభివృద్ధి చెందిన దేశాల కంటే ఖతార్ మెరుగైన స్థానంలో ఉంది. వారు వరుసగా 10వ, 11వ, 12వ, 13వ, 14వ మరియు 15వ ర్యాంకుల్లో ఉన్నారు. లక్సెంబర్గ్ 220.1 పాయింట్లతో అగ్రస్థానంలో ఉండగా.. 211.3 పాయింట్లతో నెదర్లాండ్స్ రెండో స్థానంలో, 209.9 పాయింట్లతో డెన్మార్క్ మూడో స్థానంలో నిలిచాయి. లక్సెంబర్గ్, నెదర్లాండ్స్ 2024లో కూడా మొదటి మరియు రెండవ స్థానంలో ఉన్నాయి.

ఆసియా, మిడిల్ ఈస్ట్,ఆఫ్రికా ప్రాంతంలో, ఒమన్ తర్వాత ఖతార్ రెండవ స్థానంలో ఉంది. ఆసియాలోని ఇతర దేశాలలో జపాన్ 185.2 స్కోర్‌తో ఇండెక్స్‌లో 17వ స్థానంలో ఉంది. తైవాన్ 160.7 స్కోర్‌తో 33వ స్థానంలో ఉంది. 152.8 స్కోరుతో సింగపూర్ 38వ స్థానం. దక్షిణ కొరియా 147.7 స్కోర్‌తో 41వ స్థానంలో నిలిచింది. ర్యాంక్ పొందిన అన్ని దేశాలలో ఖతార్ కొనుగోలు శక్తి సూచిక (185.7 పాయింట్లు)లో అత్యధిక స్కోర్‌ను సాధించింది. సేఫ్టీ ఇండెక్స్‌లో ఖతార్ 84.2 స్కోర్ చేసింది. ఇది అన్ని దేశాలలో అత్యధికంగా ఉంది. హెల్త్‌కేర్ ఇండెక్స్‌లో ఖతార్ 73.4 స్కోర్ చేసింది.