తెలంగాణ వ్యాప్తంగా లాయర్లు, జడ్జిల ఆందోళన ఉధృతమైంది. నేడు ఛలో హైకోర్టు పిలుపు నేపథ్యంలో హైకోర్టు వద్ద పోలీసులు భారీ భద్రతను ఏర్పాటు చేశారు. కోర్టుకు వస్తున్న వాహనాలను క్షుణ్ణంగా తనిఖీ చేసిన అనంతరం లోనికి అనుమతిస్తున్నారు. ఈ క్రమంలో నలుగురు న్యాయవాదులు పోలీసుల కళ్లు గప్పి హైకోర్టు వద్దకు చేరుకుని నినాదాలు చేశారు. దీంతో వారిని పోలీసులు అరెస్ట్ చేశారు. మరోవైపు హైకోర్టు వచ్చే అన్ని దారుల్లో భారీగా పోలీసులు మోహరించారు.