రియాద్: సౌదీ అరేబియాలో రాబోయే రెండు రోజులపాటు పలు ప్రాంతాలలో తేలికపాటి నుండి భారీ వర్షాలు కురుస్తాయని నేషనల్ సెంటర్ ఆఫ్ మెటియోరాలజీ (NCM) అంచనా వేసింది. గంటకు 60 కిలోమీటర్ల వేగంతో బలమైన గాలులు వీస్తాయని, ముఖ్యంగా తీరం వెంబడి కుండపోత వర్షంతోపాటు ఎత్తైన అలలు ఉంటాయని తెలిపింది.  తబూక్, ఉత్తర సరిహద్దులు, అల్-జౌఫ్, మదీనా, మక్కా, హైల్, అల్-ఖాసిమ్, రియాద్, తూర్పు ప్రావిన్స్, అల్-బహా, అసిర్, జజాన్ ప్రాంతాలు ఎక్కువగా ప్రభావితం అవుతాయని వెల్లడించారు. సంబంధిత అధికారులు జారీ చేసిన భద్రతా సూచనలను కూడా పాటించాలని కేంద్రం సూచించింది.