దుబాయ్: దుబాయ్‌లోని అతిపెద్ద లిస్టెడ్ రియల్ ఎస్టేట్ సంస్థ ఎమ్మార్ ప్రాపర్టీస్.. అదానీ గ్రూప్‌తో సహా భారతదేశంలోని కొన్ని గ్రూపులతో తన భారతీయ వ్యాపారంలో వాటాను విక్రయించడానికి చర్చలు జరుపుతున్నట్లు తెలిపింది. భారతీయ బిలియనీర్ గౌతమ్ అదానీకి చెందిన అదానీ ఎంటర్‌ప్రైజ్ రియల్ ఎస్టేట్ యూనిట్ అయిన అదానీ రియల్టీ ఎమ్మార్ ఇండియాలో మెజారిటీ వాటాను కొనుగోలు చేయడానికి చర్చలు జరుపుతోందని తెలిపింది. ఎమ్మార్ 2005లో ఇండియాలో తన కార్యకలాపాలను ప్రారంభించింది. దాని వెబ్‌సైట్ ప్రకారం గురుగ్రామ్, మొహాలి, లక్నో, జైపూర్, ఇండోర్‌లలో నివాస, వాణిజ్య ఆస్తుల పోర్ట్‌ఫోలియోను కలిగి ఉంది. భారతదేశంతో పాటు ఇది సౌదీ అరేబియా, టర్కీ, యుఎస్‌తో సహా ఇతర మార్కెట్‌లలో పనిచేస్తుంది.