మనామా: చిన్న వ్యాపారాల కోసం వార్షిక వాణిజ్య రిజిస్ట్రేషన్ (CR) రుసుములను BD 30కి, బహ్రెయిన్ యాజమాన్యంలోని కంపెనీలకు BD 60కి తగ్గించే ప్రణాళికను పార్లమెంటు ఆమోదించింది. విదేశీ యాజమాన్యంలోని వ్యాపారాల కోసం మార్పులను కూడా ప్రవేశపెట్టే ప్రతిపాదన, క్యాబినెట్ ఆమోదంతో సంబంధిత మంత్రిచే నిర్ణయించనున్నారు. ఈ సంస్కరణలు వ్యవస్థాపకులపై ఆర్థిక ఒత్తిడిని తగ్గించడం,  చిన్న వ్యాపార వృద్ధిని ప్రోత్సహించడం లక్ష్యంగా ఉన్నాయని అధికార యంత్రాంగం పేర్కొంది. 2015 కమర్షియల్ రిజిస్ట్రేషన్ చట్టానికి ఆమోదించబడిన సవరణల ప్రకారం.. ఒక రిజిస్ట్రేషన్‌కు తెరవడానికి BD 50 ఖర్చవుతుంది. ఉపయోగించినా లేదా ఉపయోగించకపోయినా మొదటి మూడు కార్యకలాపాలకు మరో BD 100 ఖర్చు అవుతుంది. ఈ ప్రతిపాదనను సమర్థించిన ఎంపీ జలాల్ కధేమ్ మాట్లాడుతూ.. వ్యాపార ప్రపంచంలోకి ప్రవేశించాలనుకునే బహ్రెయిన్‌లకు ప్రస్తుత రుసుములు అడ్డంకిగా ఉన్నాయని అన్నారు. తాజా మార్పులతో చిన్న వ్యాపారాన్ని ప్రారంభించేందుకు ప్రజలకు అవకాశం కలుగుతుందని తెలిపారు. కాగా, ఫీజులను తగ్గించడంపై బహ్రెయిన్ ఛాంబర్ ఆఫ్ కామర్స్ అండ్ ఇండస్ట్రీ ఆందోళన వ్యక్తం చేసింది. ప్రస్తుత రుసుములను ఇతర గల్ఫ్ దేశాలతో జాగ్రత్తగా పోల్చిన తర్వాత నిర్ణయించినట్టు పేర్కొన్నారు. మరోవైపు, బహ్రెయిన్ వ్యాపారవేత్తల సంఘం ఈ చర్యను స్వాగతించింది. ఇది చిన్న వ్యాపార యజమానులకు ఉపశమనంతోపాట బహ్రెయిన్ ఆర్థిక వ్యవస్థకు సానుకూల దశగా అభివర్ణించింది.