మా సంటే బస్సు పాసు కాదురా... ఎవడు పడితే వాడు వాడేసుకోవడానికి...' అంటూ 'పవర్‌'లో పవర్‌ఫుల్‌ డైలాగు చెప్పాడు రవితేజ. ఆ మాసిజం జనాలకు బాగా నచ్చింది. దాంతో 'పవర్‌' విజయవంతమైన చిత్రాల జాబితాలో చేరిపోయింది. ఆ సినిమాతో దర్శకుడిగా అడుగుపెట్టాడు బాబి. ఇప్పుడు మరోసారి వీరిద్దరి కలయిక కుదిరిందన్నది ఫిల్మ్‌నగర్‌ టాక్‌. రవితేజ కథానాయకుడిగా డి.వి.వి. దానయ్య ఓ చిత్రాన్ని నిర్మించనున్నారు. దీనికి బాబి దర్శకత్వం వహిస్తారని సమాచారం. 'బెంగాల్‌ టైగర్‌' తరవాత రవితేజ సినిమా ఏదీ ఇంత వరకూ పట్టాలెక్కలేదు. కథల విషయంలో ఆయన ఆచితూచి వ్యవహరిస్తున్నారు. బాబి చెప్పిన కథ బాగా నచ్చడంతో ఈ సినిమాని సెట్స్‌పైకి తీసుకెళ్లాలని భావిస్తున్నారట. త్వరలోనే పూర్తి వివరాలు బయటకు వస్తాయి.