*తప్పుగా అనుకోవద్దు*
- June 23, 2017
కళ్ళు మూసుకోలేదు
చెవులు దాచుకోలేదు
ఎందుకో మరి
నువ్వు కనబడలేదు
అసలు వినబడలేదు
అప్పుడెప్పుడో
సాగర తీరంలో ఏరుకున్న గవ్వలు
వాగు ఇసుకలో దొరికిన గులకరాళ్లు
జ్ఞాపకాల పండగ చేస్తున్నపుడో
ఇంకెప్పుడో....
అక్షరాల భావ చిత్రాలను చూస్తూనో
మనసు చెప్పే మూగ భాషను వింటూనో
బహుశా నిన్ను గమనించనే లేదు
చీకటి కానే కాదు
ఉరుములు లేనే లేవు
ఎందుకో మరి
నువ్వు కనబడలేదు
అసలు వినబడలేదు
కళ్ళను ఆకాశంలో విసిరేసి
అనంత విశ్వం చూస్తున్నప్పుడో
చెవులను సంద్రంలో పడేసి
కడలి దుఃఖం వింటున్నప్పుడో
బహుశా నిన్ను గమనించనే లేదు
నేస్తం నిజమే చెప్తున్నా
నమ్మక తప్పదు మరి !!!!?
*పారువెల్ల*
తాజా వార్తలు
- ఆడబిడ్డకు జన్మనిచ్చిన దుబాయ్ రాయల్ షేఖా మహరా
- 17 ఏళ్ల బాలుడు మిస్సింగ్ కేసు విషాదాంతం
- 123 మంది కార్మికుల పై బహిష్కరణ వేటు
- భారత ప్రవాసుల కోసం 'ఓపెన్ హౌస్'
- స్విఫ్ట్ స్టూడెంట్ ఛాలెంజ్.. 'మై చైల్డ్' యాప్ కు ప్రశంసలు
- ఇకపై 'వ్యాక్సినేషన్ స్టేటస్' ఉండదు..!
- గ్రీన్ టెక్నాలజీ పై SAS 48 హ్యాకథాన్ ప్రారంభం
- మే 13న నాలుగో విడత పోలింగ్..
- తెలంగాణ మేనిఫెస్టో విడుదల చేసిన టి-కాంగ్రెస్..
- ఇంటర్ పాసైన విద్యార్థులకు అలర్ట్.. దోస్త్ నోటిఫికేషన్ విడుదల