బీరకాయ కోడిగుడ్డు కూర
- May 18, 2018కావలసినవి:కోడిగుడ్లు(ఉడికించి. ఫోర్క్తో అక్కడక్కడా గాట్లు పెట్టాలి)- నాలుగు, ఉల్లి తరుగు-ముప్పావుకప్పు, లేత బీరకాయ ముక్కలు-రెండు కప్పులు, కరివేపాకు రెమ్మ-ఒకటి, పచ్చిమిర్చి నిలువుగా చీల్చి-ఒకటి, ఆవాలు-పావు టీస్పూన్, జీలకర్ర-అర టీస్పూన్, అల్లంవెల్లుల్లి పేస్ట్-ఒక టీస్పూన్, పసుపు-కొంచెం, ఉప్పు- రుచికి సరిపడా, కారం, గరం మసాలా పొడి-ఒక్కో టీస్పూన్ చొప్పున, నూనె- రెండు టేబుల్ స్పూన్లు.
తయారీ: పాన్లో నూనె వేడి చేసి కరివేపాకులు, ఆవాలు, జీలకర్ర, పచ్చిమిర్చి వేసి వేగించాలి. అవి చిటపటమంటున్నప్పుడు ఉల్లి తరుగు వేసి ఉప్పు చల్లి ఉల్లి ముక్కలు రంగుమారేవరకు ఉంచాలి. తరువాత అల్లం వెల్లుల్లి పేస్ట్ వేసి పచ్చి వాసన పోయేవరకు వేగించాలి. ఇందులో గుడ్లు వేసి రెండు నిమిషాలు వేగించి తీసి పక్కన పెట్టాలి. తరువాత బీరకాయ ముక్కలు వేసి ఉప్పు, పసుపు వేయాలి. మంట పెంచి మూడు నిమిషాలు వేగించాలి. మూతపెట్టి సన్నటి మంట మీద బీరకాయ ముక్కల్ని ఉడికించాలి. అవసరమనిపిస్తే కొన్ని నీళ్లు కలపాలి. కొన్ని బీరకాయల్లో నీళ్లు సరిగా ఉండవు అలాంటప్పుడు కాస్త ఎక్కువ నీళ్లు పట్టే అవకాశం ఉంది. ఇందులో వేగించిన గుడ్లు, కారం, మసాలాలు వేసి బాగా కలిపి సన్నటి మంట మీద ఏడు నిమిషాలు ఉంచాలి.
తాజా వార్తలు
- డ్యూటీ ఫ్రీ టిక్కెట్..$1 మిలియన్ గెలుచుకున్న భారతీయ మహిళ
- పాలస్తీనా రాజ్య స్థాపనకు సౌదీ అరేబియా మద్దతు
- ఈద్ అల్ అదా సెలువులు. Dh980 నుండి యూరప్ డీల్స్..!
- ఓవర్ టైం వర్క్ పై ఆరోగ్య మంత్రిత్వ శాఖ కీలక ఉత్తర్వులు
- మస్కట్ ఎయిర్పోర్ట్...దక్షిణ రన్వే ప్రారంభం
- అక్రమ రవాణా కేసులో ఆఫ్రికన్ మహిళకు జైలుశిక్ష
- ల్యాండ్ టైటిలింగ్ యాక్ట్ పై నీతి ఆయోగ్ సంచలన ప్రకటన
- హైదరాబాద్లో అనేక ప్రాంతాల్లో భారీ వర్షం
- CBSE పాఠశాలలు ఓపెన్-బుక్ పరీక్షలను నిర్వహిస్తాయా?
- స్లోవాక్ ప్రధానిపై హత్యాయత్నం.. తీవ్రంగా ఖండించిన ఖతార్