*వాన*
- July 01, 2016రాలే చల్లని చినుకుల్లో తడిసిపోతూ
వెచ్చని మాటల్లో తడారబెట్టుకుంటూ
ఎంత దూరం నడిచామో గుర్తుకే లేదు
ఎలా మరిచిపోయామో తెలియనే లేదు
వేసిన అడుగుల్లో పూసిన పువ్వులని
చూపుల చివరి అంచుల్లో
ఇద్దరం ఒకే చోట చిక్కుకుంటాం
మాటకు మాటకు మధ్య దూరాన్ని
మౌనమని పేరెన్నడూ పెట్టుకోనందుకో
కొసరి కొసరి మాట్లాడి
ప్రేమను దాచుకున్నందుకో
ఒకరి కనులలో ఒకరం ఒదిగిపోతాం
ఒకరి కలలో ఇంకొకరం మిగిలిపోతాం
జారిపోతున్న ప్రతీ క్షణం
స్పర్శను మరిచిపోవద్దని
పదే పదే వేడుకున్నందుకైనా
రెండు గుండెల నడుమ చోటు దొరకక
ఖాళీతనం కాసేపైనా దిగులుపడనీ
సఖీ !
వానెందుకు వచ్చిందో ఆరా తీయొద్దు
మనమెందుకు తడిసిందీ ఎవ్వరికీ చెప్పొద్దు
పారువెల్ల
తాజా వార్తలు
- అబుదాబిలో ప్రధాని మోడీ గెలవాలని పూజలు
- కార్ మెకానిక్ పై దాడి.. కారు ఓనర్ కు 3ఏళ్ల జైలుశిక్ష
- షార్జా హడిబా క్షేత్రంలో కొత్త గ్యాస్ నిల్వలు
- కైరో వీధిలో కొత్త టన్నెల్ ప్రారంభం
- ఫుడ్ పాయిజనింగ్ ఘటనపై ఆరోగ్య మంత్రిత్వ శాఖ నివేదిక
- సముద్ర నౌకలను తనిఖీ చేసిన అధికారులు
- ఒమన్లో విస్తరిస్తున్న తుఫాన్..?
- మహిళల టీ20 ప్రపంచకప్ షెడ్యూల్ విడుదల..
- రేపు రాజమండ్రికి మోడీ రాక..ట్రాఫిక్ ఆంక్షలు
- పార్కులు, ప్లేగ్రౌండ్ల కోసం కొత్త సమయాలు