భారీ వర్షానికి హైదరాబాద్‌నగరం తడిసి ముద్దయింది. మంగళవారం మధ్యాహ్నం నగరంలోని పలు ప్రాంతాల్లో కుండపోత వర్షం కురిసింది. మెహదీపట్నం, టోలీచౌకి, గచ్చిబౌలి, మల్కాజ్‌గిరి, నేరేడ్‌మెట్‌, కుషాయిగూడ, ఈసీఐఎల్‌, ఉప్పల్‌, మియాపూర్‌, సికింద్రాబాద్‌; మెట్టుగూడ, చిలకలగూడ, అడ్డగుట్ట, పాట్నీ సెంటర్‌; ప్యారడైజ్‌, బేగంపేట, బోయిన్‌పల్లి, కోఠి, అబిడ్స్‌ తదితర ప్రాంతాల్లో ఉరుములు, మెరుపులతో కూడిన వర్షం కురుస్తోంది. కుండపోత వర్షానికి లోతట్టు ప్రాంతాలు, రహదారులు నీటమునిగాయి. దీంతో కొన్నిచోట్ల వాహన రాకపోకలకు ఇబ్బంది కలుగుతోంది. .