యూఏఈ: రహదారి భద్రతను మెరుగుపరచడం లక్ష్యంగా యూఏఈ ప్రభుత్వం అనేక చర్యలను ప్రకటించింది. ట్రాఫిక్ నిబంధనలపై కొత్త ఫెడరల్ డిక్రీ చట్టం మార్చి 29 నుండి అమల్లోకి వచ్చిందని పేర్కొంది.  జేవాకింగ్ నుండి మాదకద్రవ్యాల ప్రభావంతో డ్రైవింగ్ చేయడం వరకు వివిధ ట్రాఫిక్ ఉల్లంఘనలకు జైలు శిక్ష, 200,000 దిర్హామ్‌ల వరకు భారీ జరిమానాలు విధించబడతాయని హెచ్చరించింది. 

జేవాకింగ్
నిర్దేశించని ప్రాంతాల నుండి దాటడం చేస్తే ప్రస్తుతంDh400 జరిమానా విధించబడుతుంది. అయితే, కొత్త చట్టం ప్రకారం.. జైవాకర్లకు జైలు శిక్షతోపాటు Dh5,000 నుండి Dh10,000 వరకు జరిమానా విధించవచ్చు. ఇక 80kmph వేగ పరిమితి లేదా అంతకంటే ఎక్కువ ఉన్న ప్రాంతాల నుండి దాటిన ఏ వ్యక్తికైనా అధిక జరిమానాలు విధించబడతాయి. వారికి మూడు నెలల కంటే తక్కువ కాకుండా జైలు శిక్ష, Dh10,000 కంటే తక్కువ కాకుండా జరిమానా విధించే అవకాశం ఉంది.  

మద్యం, మాదకద్రవ్యాల ప్రభావంతో డ్రైవింగ్ చేయడం
మాదకద్రవ్యాల పదార్థాలు, సైకోట్రోపిక్ పదార్థాలు లేదా ఇలాంటి వాటి ప్రభావంతో డ్రైవింగ్ చేయడం వంటి ఉల్లంఘనలకు Dh200,000 వరకు జరిమానాలు విధించవచ్చు. కోర్టు జైలు శిక్ష, 30,000 దిర్హామ్‌లకు తక్కువ కాకుండా జరిమానా కూడా విధించవచ్చు. మొదటి నేరానికి కనీసం ఆరు నెలల పాటు, రెండవసారి ఒక సంవత్సరం పాటు.. మూడవసారి నేరం చేసిన తర్వాత డ్రైవింగ్ లైసెన్స్‌ను రద్దు చేయవచ్చు. మద్యం సేవించి వాహనం నడిపే లేదా వాహనం నడిపే ప్రయత్నం చేసే వారికి జైలు శిక్ష, 20,000 దిర్హామ్‌లకు తక్కువ కాకుండా.. 100,000 దిర్హామ్‌లకు ఎక్కువ కాకుండా జరిమానా లేదా ఈ రెండు జరిమానాలలో ఏదైనా విధించబడుతుంది. కోర్టు ఉల్లంఘించిన వ్యక్తి డ్రైవింగ్ లైసెన్స్‌ను మొదటిసారి కనీసం మూడు నెలల పాటు, రెండవసారి ఆరు నెలల పాటు,  మూడవసారి రద్దు చేస్తుంది.

ఎవరైనా ఉద్దేశపూర్వకంగా కింది చర్యలకు పాల్పడితే రెండు సంవత్సరాలకు మించని జైలు శిక్ష, 50,000 దిర్హామ్‌లకు తక్కువ కాకుండా 100,000 దిర్హామ్‌లకు మించని జరిమానా విధించబడుతుంది.
* ట్రాఫిక్ ప్రమాదం జరిగినప్పుడు (సరైన కారణం లేకుండా) ఆపడంలో విఫలమైతే
* నేరం లేదా ప్రమాదానికి కారణమైన వాహన యజమాని, సమాచారాన్ని అందించడంలో విఫలమైతే
* పోలీసు అధికారులను చూసి సంఘటన స్థలం నుంచి పారిపోవడం
* విధులు నిర్వర్తిస్తున్నప్పుడు ట్రాఫిక్ నియంత్రణ అధికార వాహనాలు, సైనిక వాహనాలు లేదా భద్రతా సిబ్బంది వాహనాలను ఉద్దేశపూర్వకంగా ఢీకొట్టడం

సస్పెండ్ చేయబడిన, గుర్తించబడని లైసెన్స్‌తో డ్రైవింగ్ చేయడం
సస్పెండ్ చేయబడిన లైసెన్స్‌తో డ్రైవింగ్ చేస్తూ పట్టుబడిన వారికి మూడు నెలల వరకు జైలు శిక్ష కూడా విధించబడింది. 10,000 దిర్హామ్‌లకు తక్కువ కాకుండా జరిమానా విధించవచ్చు. లేదా ఈ రెండు శిక్షలలో ఏదైనా విధించవచ్చు. దేశంలో గుర్తింపు లేని విదేశీ డ్రైవింగ్ లైసెన్స్‌తో యూఏఈ రోడ్లపై వాహనం నడిపే ఎవరైనా మొదటి నేరానికి దిర్హామ్‌లు 2,000 నుండి దిర్హామ్‌లు 10,000 వరకు జరిమానా విధించబడుతుంది. పదే పదే నేరాలకు పాల్పడితే మూడు నెలల కంటే తక్కువ కాకుండా జైలు శిక్ష, దిర్హామ్‌లు 5,000 నుండి దిర్హామ్‌లు 50,000 వరకు జరిమానా..లేదా ఈ రెండు జరిమానాలలో ఏదైనా కూడా విధించబడుతుంది.

సరైన లైసెన్స్ లేకుండా డ్రైవింగ్
లైసెన్స్ లేకుండా డ్రైవింగ్ చేయడం లేదా వేరే రకమైన వాహనానికి లైసెన్స్ ఉపయోగించి పట్టుబడిన వారికి మూడు నెలల వరకు జైలు శిక్ష, దిర్హామ్‌లు 5,000 నుండి దిర్హామ్‌లు 50,000 వరకు జరిమానా లేదా ఈ రెండు జరిమానాలలో ఒకటి విధించబడుతుంది. పదే పదే నేరం చేస్తే డ్రైవర్‌కు మూడు నెలల కంటే తక్కువ కాకుండా జైలు శిక్ష, దిర్హామ్‌లు 20,000 నుండి దిర్హామ్‌లు 100,000 వరకు జరిమానా లేదా ఈ రెండు జరిమానాలలో ఒకటి విధించబడుతుంది. నిర్లక్ష్యం కారణంగా మరణానికి కారణమైన వ్యక్తికి జైలు శిక్ష, 50,000 దిర్హామ్‌లకు తక్కువ కాకుండా జరిమానా విధించబడుతుంది.

ఈ క్రింది తీవ్రమైన పరిస్థితులలో నేరం జరిగితే, శిక్ష ఒక సంవత్సరం కంటే తక్కువ కాకుండా జైలు శిక్ష, 100,000 దిర్హామ్‌లకు తక్కువ కాకుండా జరిమానా లేదా ఈ రెండు శిక్షలలో ఒకటి:
* సిగ్నల్ జంప్
* మద్యం లేదా ఏదైనా మాదకద్రవ్య లేదా సైకోట్రోపిక్ పదార్థాల ప్రభావంతో వాహనాన్ని నడపడం
* సస్పెండ్ చేయబడిన లేదా రద్దు చేయబడిన డ్రైవింగ్ లైసెన్స్‌తో వాహనాన్ని నడపడం
* వరదలు సమయంలో లోయలో డ్రైవింగ్ చేయడం
* లైసెన్స్ ప్లేట్‌ను దుర్వినియోగం చేయడం

క్రింది చర్యలలో దేనినైనా చేసిన వ్యక్తికి జైలు శిక్ష, లేదా 20,000 దిర్హామ్‌లకు తక్కువ కాకుండా జరిమానా విధించబడుతుంది:
* లైసెన్స్ ప్లేట్‌ను నకిలీ చేయడం లేదా అనుకరించడం లేదా నకిలీ లేదా లైసెన్స్ ప్లేట్‌ను ఉపయోగించడం
* లైసెన్స్ ప్లేట్ డేటాను వక్రీకరించడం, తుడిచివేయడం లేదా మార్చడం
* లైసెన్స్ ప్లేట్ తుడిచివేయబడిందని తెలిసి కూడా ఇతరులను లైసెన్స్ ప్లేట్‌ను ఉపయోగించడానికి అనుమతించడం
* లైసెన్సింగ్ అథారిటీ ఆమోదం లేకుండా ఒక వాహనం నుండి మరొక వాహనంలోకి లైసెన్స్ ప్లేట్‌ను బదిలీ చేయడం.