కువైట్: ఫహాహీల్లోని ఒక షాపింగ్ మాల్లో జరిగిన పేలుడులో గాయపడ్డ వారి ఆరోగ్యం స్థిరంగా కొనసాగుతుందని డాక్టర్స్ తెలిపారు. ఈ దుర్ఘటనలో కనీసం 10 మంది వరకు గాయపడ్డ విషయం తెలిసిందే. ఎయిర్ కండిషనింగ్ యూనిట్ నుండి గ్యాస్ లీక్ కావడం వల్ల పేలుడు సంభవించిందని ప్రాథమిక దర్యాప్తులో తేలింది. కాగా,గాయపడిన వారిలో అనేక మంది భారతీయులు ఉన్నారు. ఫహాహీల్, అహ్మదీ స్టేషన్ల నుండి వచ్చిన అగ్నిమాపక బృందాలు ఈ సంఘటనపై వేగంగా స్పందించి, మంటలను అదుపులోకి తెచ్చి, గాయపడిన వారిని ఆస్పత్రికి తరలించాయి.