కావాల్సిన పదార్థాలు :
శనగపిండి : అరకిలో నూనె : సరిపడా ఉల్లిగడ్డలు : ఒకటి రాగిపిండి : ఒక కప్పు ఉప్పు : తగినంత పచ్చిమిర్చి : రెండు కరివెపాకు : ఒక రెమ్మ పల్లీలు : 150 గ్రాములు.
తయారు చేసే విధానం:
ఒక పాత్రలో రాగిపిండి, శనగపిండి తీసుకోవాలి. అనంతరం పచ్చిమిర్చి, ఉల్లిగడ్డలు, కరివేపాకును సన్నగా తరుక్కుకోవాలి. వీటిని పిండిలో కలుపుకోవాలి. ఉప్పు వేసుకోవాలి. వీటిని కొంచెం కొంచెం నీరు పోస్తూ వడల పిండిగా కలుపుకోవాలి. పల్లీలు వేయించుకుని ఈ పిండి మిశ్రమంలో కలుపుకోవాలి. మూకుడు తీసుకుని నూనె వేయాలి. నూనె వేడయిన తరువాత చిన్న చిన్న పిండిని ముద్దలుగా తీసుకుని చేతితో వత్తుతూ నూనెలో వేయండి. అవి బంగారు రంగు వచ్చేంత వరకు వేయించుకుంటే ఎంతో రుచికరమైన 'రాగి వడలు' రెడీ.